همسات و خواطر

the last month

2012-02-07T12:36:00.000-08:00

لو اكتشفت ان فاضلي شهر بس و اموت مش هزعل قوي و لا هفكر في اني اعتكف الشهر في المسجد علشان ادخل الجنة ،

لو قدامي شهر و اموت هاكل كل الشيبسي بالطماطم اللي هلاقيه في سكتي ،مش مهم اني اشبع المهم اني احوش طعم الطماطم و لسعته على طرف لساني ،و كل الآيس كريم بالفراولة و اللمون اللي عند النظامي .
لو قدامي شهر و اموت هخلع الحجاب و مش هربط شعري و هسيبه يلف من الهوا و يضايق عينيا ،هلبس اجمل فستان قصير و مكشوف و اكحل عينيا و اتمنى لاخر مرة في حياتي انها متدمعش من الكحل ،هطلع عالبحر و اغرس رجليا في الرملة و في عز السقعة هنزل البحر و استمتع بصوت ال"طششششش" .
في آخر شهر ليا في الدنيا هشتري شوكلاتات كتيرة و لما اركب اي مشروع هوزعهم عالركاب و انزل ،يمكن لما اموت يفتكروا البنت اللي وزعت عليهم شوية فرحة قبل ما تنزل و يفتكروني بيها .
في آخر شهر ليا في الدنيا هاكل كل ساندوتشات المشروم آند سويس الللي في كل فروع هارديز و كل التشيز كيك بالفراولة .
هدخل كل محلات اللبس اللي بيجيلي احباط فيها اني مش لاقية مقاسي و اصرخ فيهم بصوت عالي و اقولهم "a7a" عليهم كلهم علشان منعوني اني استمتع باتسوق و اني البس كل الالوان اللي بحبها باي شكل .
في آخر شهر في حياتي هسهر لآخر الليل و بعد ما اصلي الفجر هستمتع بالشروق اللي مشفتهوش من اكتر من سنة و ادعي لكل الناس اللي عرفتهم و بحبهم ،هعمل كل حاجة حبيتها في الدنيا ،همشي في شارع فؤاد و ادخل العمارات القديمة و اركب كل الاسانيرات اللي فيها من غير ما اخاف من حد .
في آخر شهر ليا في الدنيا هلبس تريننج ابيض -زي بتاع جيمي - و هجري عالبحر و استمتع باول نسمة للبحر بعد الشروق مع الام بي ثري في وداني بغنوة حلوة بصوت لينا الحنين .
هسافر نابولي و اشوف المدينة اللي حاطة صورتها عالديسكتوب عندي ، هركب قارب و آكل بيتزا و مش هنام ابدا علان الوقت ميتسرسبش مني .
في آخر شهر ليا هبعتله -الحد اللي كان اول حد - احلى اغنية بيننا و هديله هديتي اللي ملحقتش اديهاله ، هقوله يحب نفسه قوي و يفتكرني كل ما يعدي عالبن البرازيلي ، و كل ما الجرسون يرسمله قلب بالبن على وش النسكافيه و كل ما يلمح نفسه بيبتسم في المراية .

في آخر يوم ليا هغمض عينيا بعد ما اطمن على سمية في التليفون و هنام .

Déjà vu

2012-01-11T13:06:00.000-08:00

لقد حدث هذا من قبل .
نوبات الحنين المفاجيء تلك -قاتل الله الحنين- و السجن المقيت داخل التفاصيل .
لم لم تكن له تلك الابتسامة -أعشق تلك الابتسامة- الجانبية بركن الفم ، لو أن قلبه كان أقسي و عقله كان أذكي ..
لو أننا لم نقترب ذلك القرب ..
لو أن ...

قال أمي هذا الصبح حينما لمحت لمعان دمعة بعيني " لم لا تحكِ لي ؟"
لن أحكِ يا أمي ،
لن تحكِ لكِ ابنتك عن خيباتها و عن التكرار المزري للتفاصيل ،
لن تحكِ عن التفاصيل التي تنهش من قلبها كل يوم ،
لن تحكِ عن حظها و علاقاتها المتشابهة،
لن تحكِ عن أن كل من أقسموا ألا يتركوها تركوها ،
لن تحكِ حتى عن الأخير و عن ادمانها له و عن طريقته المثالية في الابتسام .
بدلاً من كل هذا ستخبرك عن عشقها الأزلي للشتاء و حساسية عينها .
و ستصمتين يا أمي ،تبتلعين الكذب منها و تُقبليها .

....
في آخر لقاء بيننا -لأعطي ذلك اللقاء عنواناَ و هو لقاء التجاهل الأمثل - خذلتك تلك الابتسامة حينما حاولت الابتسام في وجهي ،
حينها أدركت أنك قررت اقلاعي تماماً ، لأصبح ثغرة بحياتك .
الحب ثغرة .
التفاصيل ثغرة.
الحنين ثغرة .
كلامنا ثغرة.
هدايانا ثغرة .
وجباتنا الصغيرة ثغرة.

أنا ثغرة كبيرة ،تجويف بلا ملامح.
..
لا تتحدث عن صعوبة النسيان و عن أن هاتفك مازال يحمل اسمي ،
الآن فقط أيفنت صدق المقولة التي قالها أول بحياتي :
"سأتركك ليس لأنك لا تستحقيني ،و لكن لأني أدرك مدى صغري في حضرتك "

لو أن الله منحني عقلاً أقل و قلباً أرق ، لكنت احتفظت بك أبداً .
لو أن لي عيناً أخرى و ذاكرة أضعف لما سجنت نفسي داخل تفاصيل الحكايا .

أصلان ..

2012-01-07T12:10:00.000-08:00

مات إبراهيم أصلان .
مات اللي علمني اني مبصش للبني آدمين بسطحية ،
مات اللي علمني أكون انسانة الأول و بعدين أكتب ،
مات الانسان الغلبان و اللي ملامح وشه مليانة طيبة ،
مات اللي بكاني من أول كتاب أقراهوله ،
مات البسيط الواقع في غرام التفاصيل و اللي علمني ان الحياة كلها بتعدي و بتتبقى التفاصيل ،
مات اللي رغم انه مكمش تعليمه بس علم جيل كامل ازاي يكون انسان ،
مات عاشق التفاصيل بتفصيلة أبسط من أي حكاية واقعية .

إبراهيم أصلان
ربنا يرحمك و يغفرلك ،
روحك هتفضل موجودة جوانا و بتنطط من كل صفحات حكاياتك ،
رغم انك مت بس الشيخ حسني مماتش و يوسف النجار و نرجس كلهم عايشين و كلهم بيعلمونا ازاي نبقى بني آدمين بحس بجد .

أن أكتبني !

2011-12-29T15:06:00.000-08:00

أعلم الآن أن العمر صار خيبات متتالية ،
الكل صار يصيبني بخيبة الأمل و الخذلان .
الكل يخذلني ،
يؤلمني ،
يكسرني ،
يبعدني ،
يوجعني .
عاد الألم أقوى كأن هناك من يدخل يده القاسية إلى صدري ،ينزع قلبي من مكانه و يعتصره ،يصير دماً و تذوب حجراته .
أشعر بقلبي ينتفض من بين تلك الكف بلا جدوى ،لن يفلت منها و سيصاحبني الألم .
في بداية تلك الآلام قعدت أخط احتمالات مرضي و موتي .
اما الآن فاعتدها و نبتت لدي ندبة بحاجبي فكسرته ،كسر داخلي و آخر خارجي .
لا مجال للمعاندة ،لا مجال للتحدي .
سأقبل كوني مشوهة ذات كسر داخلي و قلب موجوع ،ربما يختفي ندبة الحاجب و يرتفع حاجبي قليلاً لأستعيد نظرتي O_o
لكن الداخل سيظل هكذا أبداً ،
الشباب حسرة .

الشباب كسرة .
...
بالأمس كانت تحكي أمي عني و اخوتي ،
كنت اتابع الحديث بلا تركيز ، إلى ان حكيت عن حبي للقصص و كيف أنني في عمر الثلاث سنوات كنت أقف امام فاترينة مكتبة بأول شارعنا متذمرة لتشتري لي أمي قصص المكتبة الخضراء و تقرأها لي ،حكيت أيضاً عن نومي على حجر أبي كل يوم حينما كان يحكي لي كل يوم .مازال طعم حكاياه في فمي عن عقلة الإصبع و الملك الحكيم .
يعني ذلك أنني ظللت 20 عاماً أحلم بالكتابة !!
أظنني كنت واهمة حينما قررت انني لم أهدف لشيء منذ صغري ،كان هدفي هو الحكاية منذ زمن و لم أنتبه.

يا هدفي الجميل و يا وهمي الصغير .
أما آن لكِ أن تطاوعيني و تكتبيني بصدق ؟؟؟
أما آن لكِ أن تكتبي عن ابنة الرابعة و العشرين التي تكره الجبن و رائحة القهوة !؟.

دوران

2011-12-21T13:21:00.000-08:00

لعله سيبقى طويلاً في دورانه المحموم حولي ،و لعلي سأراوغه بعض الوقت و في النهاية بالطبع سأستكين كأي بطلة افتراضية .
هو لا يعلم أن تلك الدلاية المعلقة في صدري فارغة ،لم أخبرالراوي بهذا و لم يتوقعه .سيكتب عن تلك الصورة الراقدة داخل الدلاية و عن علاقتنا التي انتهت و سأتركه قليلاً يرتب تفاصيل علاقاتي المنتهية ،
ربما سيضع لها فترة انتقالية تحدد تفاصيلي الكثيرة ،سيقول أن معظم علاقاتي لم تتخطى الست أشهر ،و ربما يزيدها شهراً.
غريب هو و يصر على رواية الحكاية من وجهة نظره .
كان يستطيع منذ البداية أن يكتب شخصية أليفة و رقيقة مثل تلك الفتاة الخمرية التي قابلتها للتو داخل إحدى الروايات ،كان يمكن أن يكتب عن ضفائرها البنية و عينيها الواسعتين التين وضع الله فيهما كل الوداعة و السكون .
طلبت منه منذ البداية أن يكف عن محاولة كتابتي ،أخبرته أنني خلقني الله من لحم و دم و روح و لن أتحول إلى حبر وورق ،
أظنه لم يحاول أن يسمعني ،يقنع نفسه أن نظرته وحده لي كانت تكفي بأن أسمح له بكتابتي .
هو لم ير مني سوى غلاف حانق دافيء متشح بالأحمر و يحكم لف الإيشارب حول أذنه ،غلاف تعثر في الرصيف فصرخ قبل أن يهوي فانتيه إلي .

...

"تسمعني أنت ؟"
"لو حاولت انقاذي يومها لكنت طاوعتك وأصبحت كتابتي أكثر مرونة ،
كنت منذ البداية شاهداً فقط و لم تود الإنزلاق في تفاصيل الحكايا ،لتخبرني أنت عن حياتك المملة ،عن سنوات عمرك الثلاثون ،عن خوفك المرضي من القطط ،و إدامانك لحبات المنتوس البيضاء .
لو تركتني ارويك سأكتب عن صباحاتك المحبِطة و صوت أم كلثوم ومسحك اليومي للتراب على قلبك العطن ،سأكتب عن جرحك القديم و الندية التي تعلو حاجبك الأيمن و الحساسية التي تصيبك عقب الحلاقة "
"أيها الراوي :
فقط في الحياة يحدث هذا الموقف أن أستوقف ميكروباص و أجد نفس الفتاة في آخر كرسي ملاصقة للنافذة لمرتين في فترات متباعدة ،هذا يحدث في الحياة فقط الخالية من المنطق ،فلا تحدثني عن اللامنطق في الحكايا و عن أن بطلتك الافتراضية صادفت حبيبها بعد زمن على رصيف و لم تتعرفه "

حسن ..
لن أكن بتلك القسوة معك ،سأحنو عليك قليلاً و أمرر لك تفصيلتين تكتب عنهما ،
أيها الراوي :
أنا إبنة الخامسة و العشرين التي تعاني من فقدان شيء ما لم تعلمه بعد ، أنا أعاني من حساسية مزمنة تضطرني لابتلاع الكثير من أقراص مضادات الهستامين ،لدي أذن كبيرة و أخرى صغيرة لن تلمحها إلا حينما أخلع حجابي ، أعاني من تشيز فوبيا -أظنك لم تسمع بها قط ؟ - و أبتلع حبان المنتوس الحمراء .
أيها الراوي
أنا أعشق الحكي فاحك لي ،لا وضعك الله تحت سطوة الحكايا .

....

"سأحكي لكِ حكاية تشبهك تماماً يا جميلة ،حكاية عن شاب ثلاثيني يعشق حبات المنتوس البيضاء و يخاف من القطط خوفاً مرضياً ،و عن بنتاً هجرته مازال عطرها ملتصقاً بأنفاسه ،بنتاً تبتلع حبات المنتوس الحمراء و تعاني من حساسية مزمنة و حالة نسيان مزمنة .
صبراً قليلاً يا جميلة ،لن أراوغك فالحكاية أبسط من ذلك .
الشاب حينما لمح البنت على الرصيف المجاور تتعثر في حقيبتها الواسعة و تهوى ،لم يفعل عقله شيء سوى التذكر -في لغة الحكاية يسمى هذا إجترار الذكريات يا جميلة- و معاودة نبضات الحنين ،في الوقت ذاته الذي لملمت فيه البنت حقيبتها ،نظرته بإيلام و رحلت.
....
تلك هي النهاية يا جميلة ،
قلت لكِ أن الحكاية أبسط من مراوغتك .فاتركيني أكتبك في حكاية أخرى ،
حكاية جديدة تماماً عن الأميرات و الجنيات و المطر ،
و استكيني تماماً .

حاجات 2

2011-12-10T12:42:00.000-08:00

ليا ايام كل ما افتح المدونة اقرر اني مكتبش بس دلوقتي قررت اني أدخل و أكتب أي حاجة ،
في الآخر التدوين هو الحميمي بالنسبة لي و لو مدونتش دة معناه اني مش محتاجة أفضفض .
انما أنا محتاجة فعلاً إني أفضفض في حاجات كتيرة قوي ،
زي كم الناس الجميلة اللي عرفتهم من قريب ،و كم الناس الجميلة اللي شفتهم اليومين اللي فاتوا .
زي ان ربنا مثلاً لسة بيحبني و لسة بيبعتلي من بين كل 10 أشخاص جدعان و كويسين واحد ندل مثلاُ علشان أعرف قيمة الناس الكويسة فعلاُ و أقدرهم بجد .
بس انا ماليش مزاج أفضفض عن الناس رغم انهم الأهم فعلاً بالنسبة لي عالأقل ،
خليها في وقت تاني ....
نفسي اتكلم عن الأماكن ،عن إزاي بنشتاق للأماكن و عن إن المكان اللي قضيت فيه سنة كاملة من عمري مش هيكون موجود خلاص .
سنة كاملة يعني شهد
كام حدوتة
و كام حوار
و كام خناقة
و كام شغل
و كام فراغ
و كام كتاب
وكام ورقة
و كام قصة
و كام وشوشة
و كام سندوتش فول و بطاطس
و كام فرخة مشوية
و كام علبة جبنة-مش انا اللي أكلتها-
و كام رغيف عيش
و كام علبة زبادي بالفراولة
و كام باكو شيكولاتة
و كام كوباية شاي
و كام احتفال
و كام تورتة
و كام هدية ...
مش دة الأهم غالباً الأهم كام شخص مروا عليك فيه و انت لسة موجود بتتحدى قوانين الزمن اللي بتتمرد عالثبات دايماً و بتديك احساس بان كل الناس هتمر و انت بس اللي هتفضل وحدك فيه ..
مش شاغلاني الوحدة أد ما هي صعبة و مملة و متعبة و موجعة ..
مش الوحدة اللي صعبة ،
الأصعب انه من كتر ما عديت عليك حاجات مشاعرك تتحجر ، من كتر ما انت متعود تتحكم في نفسك زي ما انت عايز تكتشف فجأة انك في طريقك للتحول لحجر أو إنسان آلي ،
بس من وسط كل دة فيه حاجات صغيرة قوي بتديك الأمل في إنك لسة انسان :
انك مثلا في وسط التلج لسة قادر تحس بالدفا وسط لمة الناس اللي بتحبهم و الأحسن انك تكون لسة قادر تمنحه .

مممم
أنا مكنتش عايزة أتكلم عن الدفا دلوقتي ، أنا كنت عايزة اتكلم عن حاجات أوسع
عن صوت فيروز مثلاً في الشتا ،
عن طعم السوداني السخن على لساني ،
عن وجع أم كلثوم و هي بتقول فات المعاد ،
عن جيراننا اللي فوق اللي محسوش بريحة الغاز المتسرب و لو ناموا مكنوش هيصحوا ،
عن البنت البريئة اللي نفسي أبقاها من تاني ،
عن حميمية سواق التاكسي اللي لما لقاني بتكلم عن الأدوية حكالنا عن أزمة دوا
القلب الليمش لاقيه ،
عن تيانا اللي لما ضحت بحلمها علشان حبيبها ربنا مكسرش بخاطرها و حققلها
حلمها كمان،
عن وولي اللي لما لقى إيف مسك فيها رغم ان كان قدامه اختيارات كتيرة ،
عن عبد الله اللي كبر شوية و بقيت بتفرج معاه على افلام الكرتون و نغلس على بعض فيها ،عبد الله لما حس بالبرد وصفلي انه فيه حاجة كدة بتشوكه وواجعاه و اضطر يدخل معايا جوه الشال الصوف علشان يتدفى ،
عن اللاة مبالاة و الملل السريع اللي عندي و اللي أحياناً بينقذني ،
عن البوست اللي كنت نفسي اكتبه يوم عيد ميلادي بمناسبة اني كملت اربعة و عشرين سنة،
و اللي غالباً هكتبه وقت تاني جايز بعد سنة لما أكمل الربع قرن .

أنا سعيدة على فكرة :))

Dear cheese, I hate you

2011-11-08T11:17:00.000-08:00

تماشياً مع حالة الرضا و الثقة اللي بمر بيها بقالي فترة-اللهم ديمها نعمة :))- انا قررت أتكلم عن الجبنة ،خاصة و اني اكتشفت اني مش الانسانة الوحيدة في الكوكب دة اللي بتكره الجبنة .
انا بكره الجبنة و دي تقريباً الحقيقة الوحيدة الكاملة اللي اعرفها في نفسي .
مش فاكرة دة بدأ من إمتى بالظبط ،ماما بتقولي انه من اول ما بقى عمري سنة مبقتش باكلها،و من ساعتها و هي بتحاول و مفيش فايدة .
طبعا بالنسبة لأم مصرية جداً زي أمي كانت دي كارثة و أزمة كبيرة ،لأني بعد كام سنة دخلت المدرسة و بدأت المعضلة "أعملها سندوتشات إيه بس؟".
ومن هنا بدأ الإبتكار عندها .من سندوتشات البيض بالبطاطس للقشدة بالحلاوة بالمربي و البيض المسلوق و مقلي في نفس ذات الوقت ،طبعا الاهتمام الزايد عن حده بالبيض دة مش لجماله بس علشان هي عندها قناعة ان انا اكيد عندي نقص كالسيوم و كل العناصر المهمة في الدنيا لأني مش باكل جبنة .
بالنسبة لمحاولاتي نفسها لتذوق الجبنة كلها فشلت طبعاً ببراعة .
افتكر انه كان بابا بيستخدم معايا نظام الرشوة اللي غالباً فشل برضك .
كل اللي افتكره عن طعم الجبنة انها بتلزق و مستفزة كل ما كنت بحاول اجربها كان لازم يعقبه دة محاولة مستميتة لازالة آثارها الرخوة من سناني .بدأت بالجبنة المطبوخة و انتهيت بالجبنة التركي و ما بين كل الاصناف دي فيه اللي جربته كدة كتذوق بس و فيه اللي مقدرتش المسها من ريحتها بس .
يمكن الكره استمر معايا لفوبيا الجبنة ،دة يتضمن لمسها و التعامل معاها لدرجة ان اخواتي لما كانوا نفسهم ياخدوا مني حاجة كانوا بيحطوا عليها جبنة .:((
كانسانة بتكره الجبنة الناس كانت بتتعامل معايا على إني مخلوق غريب ،كل ما كان حد من القرايب بيعرفوا او المعارف كانوا فجأة يقولوا لماما و يحلفوا انه كان عندهم قريب او معرفة كدة بس خفوا تقريبا كانه مرض او حالة نادرة .
يمكن اغرب حاجة اني ابن عمتي الصغير "عبد الله" -اللي انا مربياه و اللي يا ما ضغطت على نفسي علشان المس الجبنة و أكلهاله - من كام شهر بطل ياكل جبنة زيي :D و كرهها بشكل غريب زيي برضك :D .
طبعا انا متوقعة مستقبله بالظبط ،بس ان شاء الله هيتخطى المسألة زي ما انا تخطيت الاستغراب و الدهشة و عدم التصديق و هيبقى انسان طبيعي جدا كل الناس اللي عارفة انه مش بيحب الجبنة هيعملوا نفسهم ناسيين و يعزموا عليه و لما يقولهم تاني هيندهشوا نفس الاندهاش الاول و المدهش جدا في الموضوع انه هيتقبله بابتسامات كتيرة و الحاجة اللي ضايقته زمان لما يكبر هتضحكه .
طبعا انا دلوقتي باكل البيتزا و كل الاصناف اللي بالجبنة الموتزاريللا لانه اللي اخترعها عبقري جدا لانها باختصار مالهاش اي طعم و دة شيء مشجع جدا بالنسبة لي .و دة بقى خلاني لما حد يستغرب و يقولي كل انواع الجبنة ارد عليه بثقة :
"إطلاقاً ليه هو أنا غير طبيعية لا سمح الله ?"
:D
و من دلوقتي بقول
Dear cheese
مهما كان شكلك حلو و مغري و منتشر في الدنيا كلها ،حقيقي
I hate you.

إيقاع

2011-10-24T07:24:00.000-07:00

على الحب أن يعبر شارعاً من شرف بيتها في السيدة ،لشباك غرفته بجاردن سيتي .
عليه أن يذيب كل تلك التراكمات المحددة مسبقاً بينهما :
زحام الشارع بالسيدة ، و التشابه المزري بجاردن سيتي .
على الحب أن يوصل الهمسات الليلية لفتاة تقف في شرفتها حائرة ،مختنقة بأحلامها التي لا تتعدى عبور شارع فقط.
أحلام بشاب أنيق عبر مرة من أمام محل لبيع الأطراف الإصطناعية ،عندما مر هاله من رآى من عيون بنية لفتاة تقبع خلف فاترينه الأطراف ،ترتبها ،تنسقها و تنظمها .
عاد ثانية لنظرها ،لمح ردائها البسيط و سوقيته ،عبر الشارع و ابتلعه مدخل عمارة .

على الحزن ألا يتعدى حدود شرفتها و أن يظل خارجاً حتى تستدعيه ليلة ما ليأتيها بكامل عنفوانه من نغمات للكمان تسللت لشرفتها خلسة من شباك بعمارة قريبة منها ،حزن أنيق لا يناسب حتماً حزن السيدة ببيوتها الضيقة .
على الحزن أن يسكنهما إلى أن يحرك الله صفي العمائر المتقابلة و يطمر الشارع أسفلهما ،حينها سيأتيها شاب أنيق خارج من شباك غرفة التصق بشرفتها .
ينبت بيديه زهرة فتأخذها منه و يتكفل هو بهدم جدار غرفتيهما .

"ورق"

2011-10-19T11:50:00.000-07:00

كان ذلك و انا اعبر شارع فؤاد جهة المتحف ،تلاقى وجهينا لثوان أثناء العبور و حينما وقفت جهة المتحف عادت ثانية لتستوقفني .اقتربت مني بشدة .
"اسكندرية وحشتني قوي ،بقالي سنة مجتش ازور أمي ،الجواز بقى و الدنيا و الحمل "
و أشارت لبطنها المنتفخة ،فبادرتها
"الجواز حلو؟"
"آه هحلو قوي "
" صعب؟"
"فعلا المسؤولية بقى و الحمل كمان صعب "
فتشت بأعينها عن شيء ما في أصابعي ،لم تجد مبتغاها ،فابتسمت ثم غادرتني دون وداع .
.....
تمت طقوس الوداع بعناية تلك السنة و لكن لم يحدث الوداع بعد !
فتشنا بعناية عن أقربائنا العجائز -يختطف الموت العجائز في الأغلب- .
فتشنا عن المرضى أيضاً ،و لكن لدهشتنا لم يختطف الموت منهم أحداً هذا العام ،
لم نستسلم لحقيقة أن الموت سينسانا هذا العام على عكس أي عام ماض ،يعتيرنا القلق الآن في نهاية ذلك العام للإجابة عن سؤال كل عام
يا موت أي قريب ستختاره منا هذا العام مثل كل عام؟ !.
.....
في البداية وصلتني منه تلك الرسالة :
"تتجوزيني؟"
هكذا فقط دون أي تفاصيل ،وقتها كنت حالمة أكثر من اللازم و جاوبته برسالة مثلها :
"أوافق" .
و ضحكنا بعدها سوياً،لكنه تعجب حينما أصريت على انتزاع ذلك الوعد منه ،
"عدني بألا تكتبني للأبد"
أظنه لم يفهم بعد لماذا أصريت على الوعد ،لم يفهم أن كتابتنا تعني رغبتنا القوية في النسيان ،أظنني لم أحب أن يختصرني في كلمات -رغم روعة كلماته - .
بعدها استمرت الرسائل بيننا لعام و أكثر ،في آخر رسالة قلت له أنه الحب دوماً سينتهي نهاية مأساوية إما الفراق و إما الزواج ،
لم يرد بعدها و لم أره ،
أعاد لي كل رسائلي في مظروف كبير كتب عليه :
"كتبتك و نسيتك".
....
تشاغلت بصنع تلك الأشكال الورقية أثناء انتظاري المضني لإختيار الموت ذلك العام ،
أسلي نفسها بصنع العصافير الملونة و المراوح ،
أذكر تلك الحكاية التي تناقلتها عائلتها بكل تفاصيلها ،
كان ذلك منذ أكثر من المئة عام حينما خرجت إحدى البنات و لم تعد ،من يومها يختار الموت منهم ضحية كل عام .

حسن تبدو الحكاية منقوصة بعض الشيء ،فإاذا علمنا أن البنت لم تخرج قط و مازالت قابعة أسفل وسعاية منزل العائلة بقريتهم بدشنا .
ذلك اليوم كاد الموت أن يأخذ روح تلك العجوز المتحكمة ،خطأ ما أهداه روح البنت السمراء الجميلة .
قبل ان تغادر روح البنت لعنتهم ،و أصر الموت على الامتثال لرغبتها تحت تأثير روحها الجميلة ، و انتهت الحكاية .
....
ديسمبر أوشك على الإنتهاء و مازال المشي في شارع فؤاد دون دموع عسير ،يقتلها القلق و الإنتظار .
تعب بعينيها تفاصيل الشارع لتحفظه ،يطاردها شبح و حب لم يكتمل .
تغلق كل الأبواب ،تمقت كل الناس ،تعترف لنفسها أنها لن تساعد الموت في مهمته و لن يكون لها عائلة و ليلعنها و يلعن المتبقي من عائلتها كيفما شاء .
....
تلك آخر ليلة في العام و لم يأت الموت بعد !.
حبست نفسها بغرفتها ،فضت كل الرسائل و صنعت العصافير الملونة ،
امتلأت الغرفة من حولها بعصافير تحمل بعض أحلام الحب .
دقت الساعة الثانية عشر،
لمستها أحيتكل العصافير التي أحاطتها ،
كادت تختنق من الريش الملون الذي أحاط بها ،
اكتمل نمو جناحيها عند الدقة الأخيرة للساعة
و ..
طارت من شباك غرفتها .

شوارعنا !

2011-10-14T13:12:00.000-07:00

شوارعنا التي وطأتها اقدامنا سوياً ،
شوارعنا تلك التي عبثنا بأشجارها حفراً و رسماً،
شوارعنا التي تمنيت أن ترتطم رأسي بجدرانها حتى النزف في غيابك ،
شوارعنا التي سألتني عنك و طلبت مني أن أصلك السلام أينما ذهبت ،
شوارعنا لفظتني بالأمس حزينة ليس لأنني وطأتها دونك ،
و لكن لأنها اكتشفت أني ..
نسيتك !!.

من خلف سوليفانة لامعة !!

2011-10-13T11:44:00.000-07:00

ساعات بحس اني متغلفة بسوليفانة رقيقة شفافة ،
حالة انعزال شبه كاملة عن الواقع .
نوع من انواع الدفاع عن النفس من الاكتئاب و الحزن .
بعد كام يوم فرح كان لازم ييجي الحزن فجأة زي ما بييجي كل مرة ،
بعد كل الفرح و الشجاعة و اللامبالاة اللي كانت عندي و الشيكولاتة اللي أكلتها كان شيء طبيعي اني ارجع لقواعد الحزن سالمة .
بس انا حاولت أقاوم المرة دي :
قفلت الفيس بكل الزحمة اللي فيه ،
حاربت الحزن بالمشي في شوارع محطة الرمل الفاضية يوم الحد ،وبالبلاي ليست المعتادة لفيروز الوحيدة اللي بعرف اسمعها بالليل من بعد ما مسحت "فات المعاد" من البلاي ليست.
انا المرة دي مش هعمل زي كل مرة و أقول "مرحباً أيها الحزن" أنا مش هستسلم ..

....
دي مكنتش أول مرة حد يعاكسني عالموبايل ،متهيألي دي حاجة بتحصل باستمرار
بس المرة دي غير كل مرة بدل ما اتكلم و اشتم او اقفل بسرعة أو اقول أي حاجة .
في لحظة معينة كنت محتاجة اسمع نفس قريب مني ،كنت محتاجة احس بايقاع تنفسه البطيء و اللي حاسس بملل لأن في كل الأوقات انا مش بتكلم أنا بس بسمع نفسه .
من كتر الزهق رد و حاول يتكلم بس انا مكنتش عايزة اسمع صوت فقفلت و بقفل في كل مرة بيحاول يتكلم فيها ،
انا بس عايزة اقوله ميتكلمش لاني عايزة احس بنفسه وسط الزحمة اللي هو فيها مش أكتر ،
بس ازاي دة يحصل ؟!!.

....
ازاي كنت هنسى اتكلم عن "كريم" ؟!.
اسمر و قصير و بكيس مناديل بيسرح بيه في الممر بين التجارية والوطنية ،
انا مش من هواة القعدة في قهاوي المثقفين بس دي تاني مرة اقعد هناك و اول مرة اشوف "كريم".
"كريم" في رابعة ابتدائي و عنده بيت و ام و اخوات و اصحاب .
"كريم" عنده عين ضيقة و غمازات مش بتظهر الا اما يبكي .
"كريم" اتركن جنب السور و قعد يبكي لما عم "رضا" مرضاش يدخله التجارية يبيع مناديل ،بس دموعه موقفتش الا اما عزمت عليه ببلح الشام فأخد الطبق كله و ضحكلي ضحكة بانت فيها غمازاته .
....
غريب اني بقيت بعرف الف و ادور ،مهارة طبيعية بحكم اشكال البشر اللي بقيت مضطرة اني اتعامل معاهم .
يعني بدل ما انا كنت بقول ان الصراحة هي اسرع طريق علشان توصل للي انت عايزه ،
بقيت بقول ان اللف و الدوران هو الطريقة الممكنة للوصول للي احنا عايزينه ،
الغريب كمان اني استعدت دور مضرب البنج بونج اياه في صد الكلام اللي شايل اكتر من تلميح و بقيت مش بس بصده ،كمان بقيت بعرف أرد بكلام زيه ،
انا مستمتعة بالتغيير اللي بيحصلي
....

انا كنت مفتقدة الجو دة من زمان ،
اجازة من الشغل و من الفيس ،
البيت فاضي ،
"على حسب وداد" لحليم ،
و كوباية لبن اغمس فيها البوريو مع هدوء و انا بكتب الكلام دة ،

حقيقي
الدنيا حلوة
:)

من أجل علبة الآي شادو الموف !.

2011-09-27T14:17:00.000-07:00

مازال نومي غير مستقر و مازلت لا أجد مشكلة في ذلك .
....
أنت لم تحذفني بعد من قائمة "الياهو" خاصتك ،
أعلم ان ذلك لا يعني بالتأكيد انني أشغل و لو إسماً فيها .
....
لم تعد أشياء كثيرة تشغلني مثلما كنت ، أشعر بالتأكيد أن ثمة إختلافاً حدث .
.. و أثق ان هذا الإختلاف ليس حباً جديداً .
بالتأكيد أنا أقع الآن في منتصف تلك المنطقة الفارغة عاطفياً و أثق أن ذلك لا يعد جيداً بما يكفي و لكن أكثر راحة ..
....
كيف تمكنت في مدة قصيرة أن أصبح
أكثر ثقة
أكثر ذكاء و فهماً للناس
أكثر وداً و مجاملة
و لا مبالية أيضاً
؟؟
أنا لا أعلم كيف حدث ذلك و كيف تمكنت من تحديد أولوياتي و علاقاتي بالناس :من يحتل الرقم الأول و من لا يستحق أن يأخذ و لو نصف رقم ؟
....
"كتر الضعف بيقوي "
....
لتدعنا هكذا
نتباعد لنتقارب
و نتقارب لنتباعد
و نستريح قليلاً دون إذن
و نعود أكثر شوقاً
هكذا يصبح رسم القلب مثالياً
آخذ في الإنحناء لأسفل بشدة
و آخذ في الصعود لأعلى بشدة
....
كانت فكرة أن أمسح كل الميلات و ال"sms" خاصتنا ترعبني.
حسناً
لم تكن بهذا الشكل أبدا .
كان شيئاً أسهل بكثير من محاولاتي الخرقاء لتذوق الجُبن .
جلسة عادية و مساحة من التركيز و النسيان و بداية كئيبة "لنفترض أنها كانت أغنية لفيروز "
و ..... مسحتهم بأكملهم من على هاتفي . حتى رسائل الfacebook . و الميلات .
لم تكن فعلة شجاعة بل عادية .
....
مازلت سعيدة و راضية إلى حد الإمتلاء .
رغم سماع الكثير من الأغاني الحزينة .
رغم قراءة العديد من القصص الحزينة .
رغم امتناعي تماماً عن التوقعات الجيدة .
رغم الكثير .
أنا مازلت سعيدة و راضية .
اشكرك يا الله على استجابتك لدعائي .
....
هل كانت تستحق العلبة كل هذا المجهود؟!.
قلب غرفتي رأساً و مكتبتي التي تحمل من التراب أطناناً؟!.
علبة الآي شادو الموف الصغيرة التي اختفت منذ أشهر و لم أهتم وقتها بالبحث عنها .
لمعت الفكرة داخلي مساء أمس -للدقة كان ذلك بعد منتصف الليل- حين قررت البحث عنها .
استغرق ذلك مني عدة ساعات حتى وجدتها قبل الفجر بقليل .
أكان يجب أن يذهب كل ذلك الغبار لأجدها؟
أكان يجب أن أزيل ذلك الغبار من حياتي كي أذكر يوماً سعيداً برفقة الأصدقاء و بلون علبة من الآي شادو الموف الرقيق ؟.
بالتأكيد كان يجب أن أفتش عني و لو بداخل علبة للآي شادو الموف الرقيق.

أشياء مثل المانجو !

2011-09-07T16:01:00.000-07:00

لا أنام جيداً تلك الأيام و أثق أن ذلك ليس شغلاً للبال أو تفكير زائد عن الحد .
فقط هو عدم الشعور بأهمية النوم الطويل الآن .
................
منذ أيام لم أرى الدنيا بعيون السابعة و النصف صباحاً ،و رأيتها اليوم بعيون ناعسة لم تشبع من النوم بعد .
...............
منذ أكثر من عام لم أزر مدرسة ،
أثق أنني لم أجد سلاماً مثل ذلك حينما زرتها اليوم ،
أن تشعر بطزاجة الهواء من حولك و انت في باحة مدرسة عمرها أكثر من المائة .
اتساع رحب يذكرني باتساع الحاكم بأمر الله .
اتساءل اليوم كيف لم أدرك ذلك منذ زمن بعيد حينما كنت بمريلتي الكحلية و حقيبة ثقيلة تؤلم أسفل ظهري؟.

...........
محمد
لم يرى النفق بجواره في تلك الساعة الصباحية ، لم يدرك ما تعنيه اشاراتي بالا يعبر طريق البحر .
في لحظة سكنت و لم استمر في اشاراتي حتى أنذره سائق مشيراً بمكان النفق .
...........
في لحظة ما أدركت انني وصلت لتلك اللحظة من الضعف ،الضعف الذي يجعلك أصلب و اقوى ،
تلك اللحظة فاجأتني اليوم حينما قررت أن أمشي من سبورتنج حتى المكتبة .
كنت أعلم ان المسافة ليست بذلك الطول الذي آملته و لكن شيء ما جعلني قادرة على الاحساس بالأشياء من حولي ،جعلني قادرة على التوحد مع ذرات الهواء البحرية التي اخترقتني بقوة .
في لحظة ادركت انني اصبحت أصلب .
..............
احاول التغلب على الشعور بافتقاد فؤاد ،امرن نفسي على اعتياد المكتبة دون رائحة "علي كافيه" المميزة رغم انني اكره رائحة القهوة ،
امرن نفسي على التكيف دون سماع حكاياته عن الحشرات و التصوير و سخريته اللاذعة .
............
لعارف ابتسامة طفل قنوع و قلب أبيض كبير .
أستدرجه في الحديث عن نفسه ليفاجئني بادعائه ان قلبه ليس بذلك الصفاء ،
كيف لا يعلم ذوي القلوب البيضاء بأن لهم قلوباً بذلك البياض؟
...........
حازم اهداني "الفايش الصعيدي " الذي طلبته منه ،
مع عيدية ضخمة من الشيكولاتة بالبندق مع كتاب لنجيب محفوظ أجلته حتى الغد ،لأن اليوم لا وقت لشيء سوى "الفايش " و الشاي .
..........
عندما هاتفني أحدهم اليوم -الضمير هنا لا يعود على ذوي القلوب البيضاء- و طلب مني هاتف لأحدهم آخر -لا أودالحديث عنه- ادعيت بأنني مسحته ،
أكذب أحياناً من وقت لآخر فقط للضرورة و انا لم أمسح ذلك الرقم من ذاكرتي بعد و لكني كذبت .
..........
الفضيلة و الرذيلة
كيف يمكن ان تتواجدا قريبين من بعض هكذا دون أن تختلطا ببعض؟!.
رأيتكما بعيني في المساء في قبلة البنت لولد على الكورنيش ليلاً .
اثق في أن الفضيلة هي التي تظهر عندما يكون لنا القدرة على فعل الرذيلة ،
وأثق في أن الرذيلة لم تكن هكذا أبداً حتى حرضها إنسان ما على ذلك فأصبحت رذيلة .
.........
قُبلة على خدي من سمية كانت كفيلة بمسح بعض الغيوم المترسبة على روحي ،
لن يكف الله أبداً عن منحي الأشخاص الطيبون رغم أنني لست طيبة مثلهم ،و احتاج دوماً من يرمم روحي منهم و من ينفض عني همومي .
لكن قُبلة واحدة كانت تكفي تماماً .
........
اتمنى حبيباً مثل المانجو ناعم و خشن ،لاذع و مسكر في نفس الوقت .
حبيباً يتركني اقطعه لمكعبات متساوية ثم امضغه لنصير جزءاً واحداً ،و أصير أنا تلك الحبيبة التي -في لحظة جوع كافر- التهمت حبيبها لأن طعمه كان مثل المانجو .
.......
يالله
أود منك شيئاً واحداً فقط لم أطلبه منذ زمن ،أتمنى منك تذكيري دوماً بأنك منحتني الكثير لأرضى .
و ألا أضعف إلا لكي أصبح أصلب ،
و أشكرك دوماً يا الله .
أشكرك يا الله .

عن بنتاً طيبة وولداً طيب وولد آخر تسكن صدره شموس!

2011-09-05T14:47:00.000-07:00

البنت الطيبة التي تملأ جيوبها من الحكايا ،

تلك البنت التي تتكيء على جرحاً واحداً فقط لم تدرك أنها ملاقية ذلك الولد الطيب أبداً .
البنت الطيبة تقنع نفسها كل يوم في المرآة أنها لم تكن أبداً سمكة-ليصطادها- رغم أنها تمنت بحراً لتغرق فيه .
طيبة تلك البنت و لم تكن أبداً تملك جرحاً ،
جاء يوم ذات يوم
لتفرغ فيه جيوبها من الحكايا لتفاجأ أن حكاياها كلها مسروقة و أنها لم تجد حباً لتتكيء عليه .
أخبرت صديقتها بفجيعتها فأشارت إليه صديقتها :
"لتقعي في هواه فهو الوحيد الذي نطقها "
لم تفكر ،فقط كانت تحلم بلحظة تخصها ،تكتب عنها و تسكنها أقرب جيوبها .
تكشفها بفخر و تقول "هنا حقاً هنا وُُُُجدت ندبة ،و قصة مازالت تسكنني "
للحق هي أحبته و لكن ليس من كل قلبها إذ أن جزءاً من قلبها كان من حقه ألا يقرر بعد .
حينما رأته اول مرة أدركت أن البرتقالي يسكنه و أن هناك شموساً محبوسة بصدره تلقي بحنانها في عيناه ليرميها به .
برتقالي كان برتقالي داخله .
الولد الطيب ذلك الولد الطيب كان يكره البرتقالي ،و ملكته أمرأة بأذنيها ثقبين ثقب لقرط و الآخر لقلبه .يبحث عنها كل يوم في كل درب لا يعلم أنه أسكنها ذلك الجزء بالداخل الذي ينطق بالهوى
الولد الطيب رغم أنه عشق الأسود فداخله كان أبيضاً بلون طيبتها ،

داخله الأبيض كان يختلف كلياً عن شموس برتقالية سكنت صدر الولد الآخر صاحب جُرحها .
أنت أيها الولد الطيب لا تقتلها و لا تقطفها
فقط اتركها و ارحل .
من الممكن ان تكون ماراً بجوارها كذلك الرجل الذي اشتمت حنانه من خلفها فأجفلت .
ماراً فقط عابراً فهي مازالت تحلم بولد أسكن صدره شمساًُ و القى بحنانه في غمازتيه و رحل .
تلك البنت الطيبة
ة تعلم ان حبها سيظل متأرجحاً لأنها اختلفت عن صديقاتها فهي تمنت مركباً و شراعاً و حبيباً في وقت واحد ،قالوا لها يكفيكي حبيباً فلم ترضى و دعت ربها ان يرزقها ثلاثتهما و أن يكون الحبيب ولداً طيباً .
فأعطاها الله حياة كمركب دون شراع وولداً طيباً تسكنه امرأة .

يا بنتاً طيبة لم تتمنى حبيباً فقط مثل صديقاتها ،
الله لا يعاقب عبداً لطمعه فلتدعي ثانية و لتفرغي جيوبك من الحكايا لأن الله سيهبك ولداً طيباً آخر لا تملكه امرأة

الحمد لله مش كويسة !

2011-08-29T17:43:00.000-07:00

بستغرب من اي حد بيسأل دايماً ازيك؟ ،عاملة ايه؟ يقوم ينتظر مني الرد التقليدي
"الحمد لله ،انا كويسة "
ليه كويسة ؟
مع اني معظم الوقت ببقى مش كويسة
فانا لو سألت نفسي دلوقتي نفس السؤال
"ازيك يا نفسي ؟،عاملة ايه؟"
هقوم ارد عليها و اقولها
"الحمد لله،انا مش كويسة "
أنا فعلا مش كويسة ،مش عشان صحيت الصبح بدري درجة حرارتي 40 و مش شايفة قدامي ،
و مش عشان انا مثلا لقيت نفسي مضغوطة في الشغل لا سمح الله و مطلوب مني اخلص مليون حاجة و العيد بكرة
و كمان مش عشان انا بيجيلي اكتئاب الأعياد الموسمي و العيد بكرة فطبيعي مكونش كويسة .
و كمان مش عشان انا اتعشمت و نزلت امبارح عشان احضر عرض الليلة الكبيرة و مشيت قبل ما العرض يبدأ و اللي اكتشفت اصلا انه كان عرض استعراضي مش عرايس .

انا مش كويسة عشان لتاني مرة في حياتي بقع
كنت كويسة جدا لحد ما قررت اني اقوم اعمل شاي زي اي حاجة عادية بتحصلي خلال اليوم من بعد الفطار .
لقيت نفسي فجأة بقع ،كل حاجة كانت بتلف زي اول مرة وقعت فيها بالظبط .
بس انا موقعتش المرة دي عشتان كنت بتدلع او كنت طول اليوم في محاضرات و مأخدتش بالي اني مأكلتش حاجة طول اليوم فكان طبيعي اني أقع في آخر اليوم .
انا وقعت عشان قلبي وجعني ،كانه كان بيتعصر جوه صدري فجأة
أنا وقعت عشان لأول مرة أحس اني ضعيفة قوي كدة و ان معظم التخاريف اللي خرفتها طول اليوم كنت فيها خايفة طول الوقت .

معرفش ليه بقيت خوافة قوي كدة من الناس ،طول الوقت حاسة انهم أقوى و مني و انه سهل جدا انه حد ياخدني جوه كفه و يفتتني .
الغريب اني معظم الوقت كنت دايما بحارب دايما بصراع و بتحدى ،دايما بحس اني اقوى من كل الناس و ان كل ما هواجه الدنيا و الناس اكتر كل ما هكون اقوى و أصلب .
بس انا اكتشفت اني طول الوقت مكنتش قادرة آخد نفسي و لا أتفرج على نفسي من برة و لو لثانية واحدة .
طول الوقت كنت برشق في حواجز حواليا و اتأكد انها صلبة قوي و ان محدش ابدا هيقدر يقربلها .
بس اكتشفت بعد ما رشقتها اني رشقتها من ضعفي مش من قوتي !
انا الحمد لله مش كويسة
عشان اكتشفت من عبطي اني متشعلقة في حاجات مش ليا
و اني كنت بقنع نفسي طول الوقت اني راضية عن نفسي مع اني مكنتش كدة عمري .
انا الحمد لله مش كويسة
عشان لما ربنا طبطب عليا و اداني حاجات اتمنيتها مفرحتش و فضلت اقوله يارب ليا حاجات تانية عندك عاوزاها ،يارب اديهالي حتى لو كانت هتضرني .
انا الحمد لله مش كويسة
عشان قدرت اصوم عن مسببات الحياة زي الأكل و الشرب و مقدرتش اصوم عن تعذيب نفسي كل يوم و عن الشعور الفظيع بالوحدة من بعد الساعة 12 .
انا الحمد لله مش كويسة
عشان عمري ما كنت قوية و عشان كنت بصدق كل كلمة بتتقال و الحمد لله استسلمت لكوني ضعيفة و دلوقتي مبقتش بصدق اي كلام و لا بثق في اي حد .
انا الحمد لله مش كويسة
عشان لحد دلوقتي مش قادرة اعيش كانسانة طبيعية جدا ،اوقات بتفرح و اوقات بتحزن .
انا مش هقدر اكون كويسة الا اما اتخلى عن قرايتي لصلاح عبد الصبور و اسمع الاطلال و اغني "انت منذ الآن غيرك "لمحمود درويش و اعيط .
مش هقدر اكون كويسة الا لما اصحى يوم مش فاكرة خالص اني ظلمت نفسي و دخلتها في قصص فاشلة عشان بس يبقى عندها حكايات تخصها .
انا مش هقدر اكون كويسة الا لما اكون زي البنت اللي في الصورة و البس باليرينا و ارقص و اتنقل في حياتي بين الضلمة و النور ،الحزن و الفرحة .

و من هنا لحد ما اكون زيها افتكر ان الرد المنطقي ل"ازيك عاملة ايه؟" هيكون
"الحمد لله أنا مش كويسة "

انا و بس ..

2011-08-21T06:21:00.000-07:00

بعد فشل محاولاتي للتنقيب جوه نفسي
استخدمت التكونولجيا اخيرا
و قلبت في استاتيوهاتي القديمة و اخيرا لقيتها
البوست دة هكتب فيه اعزهم و اقربهم ليا
اللينك دة طبعا مش هيظهر لحد غيري :))
http://apps.facebook.com/all_my_status/all.php
:))
جاري التحديث

http://www.facebook.com/1429974342/posts/2336472777823
البسمة دي كانت من قريب
ليوم استثنائي جدا
حيث زرت اماكن جديدة جدا
العجوزة ،الدقي ،بابا جونز ،السيدة زينب ،الكورنيش
بيس جدا
:))
............
الاستيتس دة في شتيمة الشات الجديد الل قلب عليا كلام قديم من سنة 2009
شيت عليك يا مارك زوكربرج

http://www.facebook.com/1429974342/posts/2316917688958

.......
دي بقى كتبتها مليون مرة
و بحبها و مازلت هأكتبها
http://www.facebook.com/1429974342/posts/2323438251968

............
دة لما بحس اني مش ورايا شغل
:))

اين تاسكاتي؟

http://www.facebook.com/1429974342/posts/2308988130724

.......

الأشهر ليا لما الدنيا بتسخف
http://www.facebook.com/1429974342/posts/2306596510935

......
دي القاعدة اللي بحاول بصدق اني اطبقها في حياتي و كل مرة بفشل لما اكتشف اني رومانسية بزيادة :D

http://www.facebook.com/1429974342/posts/2301500023526

........

و دي ليوم جميل في القاهرة حيث شحططت اصحابي و اتكرمت و كدة
http://www.facebook.com/1429974342/posts/2295448992254

........
لما بكون مكتئبة ساعات
:(
http://www.facebook.com/1429974342/posts/2283876022937

........
و دة قدييم جداااااااا
من 2009
حيث خلصت امتحانات للابد

http://www.facebook.com/permalink.php?story_fbid=93159709388&id=1429974342

و دة حيث انا مستنية النتيجة و مرعوبة
http://www.facebook.com/permalink.php?story_fbid=131396516561&id=1429974342

و دة حيث انا نجحت و زأططت
http://www.facebook.com/permalink.php?story_fbid=129427971250&id=1429974342

و دي و اخيرا اتخرجت
http://www.facebook.com/permalink.php?story_fbid=101682365266&id=1429974342

......

و دة و انا مكنتش لاقية حد يستحق اني افكر فيه
و احب اقول اني لقيت كتير بس النفس بقى :D

http://www.facebook.com/permalink.php?story_fbid=109171425798&id=1429974342

......
و دي مواصفات الحد الجميل اللي بحبه اللي لسة معرفتوش
:))

http://www.facebook.com/permalink.php?story_fbid=107615883016&id=1429974342

http://www.facebook.com/permalink.php?story_fbid=104888576786&id=1429974342

....
و دي وانا دمي خفيف
:)))
http://www.facebook.com/permalink.php?story_fbid=115849031049&id=1429974342
.......
انها انا
مزاجية و متقلبة و احيانا عاقلة
http://www.facebook.com/permalink.php?story_fbid=147751254230&id=1429974342
........
فيلم مدينة الملائكة
http://www.facebook.com/permalink.php?story_fbid=152828232879&id=1429974342
.........
كلام بحبه
http://www.facebook.com/permalink.php?story_fbid=204609680140&id=1429974342

http://www.facebook.com/permalink.php?story_fbid=211525225860&id=1429974342
........
و مازلت بدور
http://www.facebook.com/permalink.php?story_fbid=191362892634&id=1429974342

........
و مش فاكرة ايه اللي انا اقصده هنا
http://www.facebook.com/permalink.php?story_fbid=202493151798&id=1429974342

......

كتابي .. أخيراً

2011-08-18T15:38:00.000-07:00

http://www.youm7.com/News.asp?NewsID=474101&SecID=94&IssueID=168

الحقيقة انا حصلتلي حاجات كتيرة حلوة -ووحشة- مكتبتهاش
المدونة كانت ملخبطة شوية و كل شوية اقفلها
بس اكتشفت ان الدنيا هنا اهدى من الفيس
فممكن اكلم نفسي براحتي
:))
انا بقول كفاية كدة عليك يا 2011
باختصار عملت حاجات كتيرة قوي فيك و حصلتلي حاجات مكنتش اتخيلها
هتكلم من الآخر
صديقتي العزيزة نعمة ناصر قدمتلي في مسابقة و كسبت
باختصار مجموعتي أخدت الجايزة المركزية لقصور الثقافة السنة دي مركز اول عن فرع القصة القصيرة ،و انا مندهشة لسة
الغريب كمان اني استفدت م الثورة إذ أن الحكومة اتغيرت و قررت تنشر الاعمال الفايزة بالمراكز الأولى فمجموعتي اتنشرت بالمرة كدة
اقول حاجات كمان
عملت حاجات كتيرة مكنتش متخيلاها
اشتغلت في حاجة كان نفسي اشتغلها
عرفت ناس كتيرة منهم ناس كويسين قوي و حبيتهم
اما الوحشين فربنا ياخدهم
وقعت في مشاكل بالهبل بس ربنا خرجني منهم عشان بس نيتي كويسة :)
اتاكدت من اني انسانة طبيعية تقدر تحب و تتحب و تعمل مجروحة و كدة
و الحمد لله برضك
..
باختصار رغم التغييرات المدهشة و رغم اني زيدت 5 كيلو في الوزن :@
بس مازلت هبة -احمدك يارب- اللي لسة بتندهش وو بتزهق بسرعة و كل الناس بيوحشوها فجأة و في ثواني مش بتطيق تشوفهم :D
هبة اللي مازالت بتكره موبايلها السخيف و نفسها تغيره و تجيب كرسي هزاز و تكبر مكتبتها بدل منظر الكتب اللي مالي اوضتها
هبة اللي مش عارفة لحد دلوقتي تكتب اهداء عليه القيمة على كتابها الأولاني و مش عارفة تعيش الدور شويتين -للأسف- .
.....
انا مازلت عندي احساس ان 2011 مش هتعدي على خير خالص
و من هنا لحد ما تخلص بقول ربنا يستر
:)
......
ملحوظة خاصة لكريم لو كنت سامعني اتصل بيا عشان اجيبلك نسختك
رقمك عطلان خالص و مش عارفة اتصل عليك :((
كتابي هتلاقوه -دة لو حد دخل اصلا :))- عند بياعين الجرايد و بجنيه واحد بس

ضفاير

2011-06-25T03:34:00.000-07:00

هبة بخيت كانت بتزُم ضفيرتها قوي لدرجة انها نزفت مرة

.كل ما كنا بنتريق عليها كانت بتهددنا بأوضة الفيران إكمن الناظر يبقى خالها

********

لو كانت دمعت ساعتها و هو بيفارقها يمكن كانت كل دمعة هتنزل بحتة من قلبها الموجوع قوي ،

يمكن كانت هتستريح .

و أكيد ربنا كان هبديها قلب فاضي زي الحوش الواسع تجري فيه براحتها .

********

عمري ما شفت هبة بخيت بتدمع إلا مرة واحدة و لما سألت الميس عليها قالتلي انها بتبكي عشان بقيت يتيمة ،

و من ساعتها بدل ما كنا بنقولها يا "هبة يا مرات شعبان " بقينا بنقولها يا "هبة اليتيمة " إكمن اليُتم لزق فيها قوي و بقى عامل زي الشتيمة .

********

أكيد أنا مش هعمل زيها و أتوه وسط زحمة عشان بس أنسى ،

أنا هدور على أقرب براح في مسجد و أسكنه و أنااام قوي لحد ما يرجع نفسي المقطوع م الزحمة .

********

محستش قوي بإحساس هبة بخيت إلا أما ماما اتأخرت عليا و لقيت نفسي وحدي في الحوش الواسع .ملقتش حاجة اعملها غير اني أدمع ، مع اني كان ممكن أزوغ من عصاية عم حسن و اروح اشتري دود القز وورق التوت عشان الدودة بتاعتي ماتت و ارجع تاني للمدرسة .

********

من السذاجة اننا نمشي في سكة ضلمة مالهاش نهاية من غير نضارات تهدينا الشوف . و من السذاجة انها تقعد شهور مش قادرة تبكي بعد الفراق .

أنا مش هكون زيها و هطلب نضارات توريني نصيبي في آخر السكة ،

و بعد الفراق هحبس نفسي في الأوضة لحد ما انزف دموع عشان بس قلبي يرتاح

لو كانت أكلت الملح قبل السكر !

2011-06-19T03:35:00.000-07:00

لو بس كان قدملي قرنفلة بيضا بترش رذاذها في عينيا .....
لو بس كان سابني أخلع جذمتي من التعب وأدوب من لمسة النجيلة بين رجليا......
لو بس ...........
دخان سيجارته توهني من كل الكلام ، نساني طعم السكر و القرفة على لساني،رذاذ البحر ملا نضارته غيامة يمكن عشان كدة مشفش دمعتي قدامه .
لو بس كان ملح طعم حياتي أكتر يمكن مكنتش هتقع حكايتنا بالسرعة دي.
بشوفني دايماً في الحلم في طريق ،والطريق عالقاهرة لساه طويل و أنا واقفة وسط رماد سجاير و تراب لا عارفة أستحمل الرماد و لا أرجع لتكييف الأسباني .
أنا بس طلبت منه يحضنني قبل الفراق ،قلبي كان شبه تمثال رخام نفسه يدفى .
لو كان حضنني وقتها .....
لو بس كنت أكلت الملح قبل السكر يمكن كان هيبقى طعم حياتي مسكر .

حكاية

2011-03-26T12:32:00.000-07:00

حسناً .. من منكن حظيت بقصة حب و ثورة في شبابها ؟ .
ها أنذا أحكيها لكن بدمعتين تساقطتا رغماً عني ،فأنا لا تتساقط مني الدموع إلا رغماً .

البعض لا يشعر بالألم إلا بعد برهة ،و أنا حينما انتهت مني الحكاية داعبت بعض صديقاتِ ،قلبت صور للإسكندرية القديمة ،أكملت عملي في سكون البحر المريح في الصور و سكنت .

كان و كنت و لم تكتمل الجملة منا قط .

اشكروا الرب يا حفيداتي لأنه وهبكن جدة تحكي لكن حكاياتها ،خساراتها بروح مرحة و قلب محب .
و اعذروا لها تشتتها فإن العمر صار خريفاً لا يعي التسلسل و النظام ،و هي من نسل إذا أحب انكشف ضعفه .

كان و كنت أكتب عن الحب و لم أحب .
الحب مثل مقعد في الحافلة ،مقعد وحيد ينتظرك و تنتظره . مقعد ينتظرك أنت فقط .

البنت كانت أنا و كانت تتوق لحكاية تخصها ،لا تكتبها فقط .حكاية تحكيها لحفيداتها ،ربما لم يكن ذلك هو أفضل جزء في الحكاية .
فحكايتها بدأت كالأفلام ،بدأت ب"هو" و انتهت ب"هو" كأنها لم تكن طرفاً قط .
هاجمها حينما لم تكن في الحلبة لتصد هجمات الآخرين بقوة ،هاجمها في فترات هدنتها مع الآخرين .

لا لا ليس ذلك مهماً تلك التفاصيل التي أكره روايتها .حسناً سأحكي لكن الحكاية من نهايتها .
البنت لا تذكر معظم التفاصيل الآن .
حسناً لا تيأسوا من ذاكرتها فهي لا تذكر سوى ثورة و موتى و دماء .
تتذكر قلقاً يعتيرها كلما دق هاتفها ،تتذكرأيضاً صوت الرصاصات التي أضعفتها .

كانت هناك ثورة و ربما يكون ذلك هو أفضل جزء في الحكاية .
تتذكر البنت أيضاً أنها لم تعطه هديته بعد .

لتعلمن يا بنات أن الرجال لا يعشقونها ضعيفة ، و لا يملكون آذاناً كبيرة كي يسمعن النساء .هم يجيدون الهرب حينما تخبرهم النساء بضعفهن و ما يعتمل بداخلهن من هواجس .

الهدية لم تكن لتعني شيئاً بالنسبة له و لكن البنت اعتقدت أنه سيقبلها لأنها فقط لامست يداها و لكنه لم يعشقها لتلك الدرجة من العشق ،و لم يملك الآذان التي تمنتها و لم يملك شجاعة كافية لإخبارها بأنها ليست تماماً كالصورة التي رسمها لها.
و هي لم تمتلك شجاعة كافية لإخباره بأنها أحبته كما هو لأنه إستحق ذلك فقط .

حسناً لم تكن الثورة بالتأكيد لم تكن أفضل جزء فحينما ودعها لم تشعر بشيء في البداية و لكنها حينما خلت بسريرها سكنت .
تسلت بمداعبة قابس النور بجوارها مع عد دقات قلبها القوي .
صمتت و قال لنفسها
"حسناً لقد انتهت الحكاية ثم نامت بدون أحلام "

و في اليوم التالي أعطت هديته لصديقتها و همست بأنها لم تحبه حقاً ،فقط ظلت بعض الأوراق شاهدة على الحكاية .
أرى خيبة الأمل في عيونكن ،فهل انتظرتن حكاية طويلة كالأسطورة؟.
صدقوني فقط يحدث في الأساطير أن نجد رفيق روحنا و أن يشعر هو أيضاً بهذا في الوقت ذاته .
أنا لم أخبركن بأنني سأحكي أسطورة ،أنا أحكي حكاية حتى لا تتساقطوا مثلي في الحكايا بسذاجة .
لتقتنعوا أولاً بأنكن قويات و أن الضعف لم يكن من نسلنا ،وأن الرجال ولدوا بدون آذان .

و لا ترثوا يوماً للبنت فإن الشفاء من الحب كالشفاء من دور من الأنفلونزا اللعينة المعتادة لأبناء المدن الساحلية مثلي .

حكاية

2010-11-16T14:51:00.000-08:00

ما أنا قلتلك قبل كدة ان البنات نوعين :

نوع تحبه و مش لازم يحبك ، و نوع يحبك و تصاحبه ، يكونلك مجرد أخت أو صاحبة .

و قلتلك ببساطة اني من النوع التاني و رغم اني بحبك أنا ممكن اكونلك أخت ،أنا مكنتش زعلانة .

ساعتها ضحكت عليا و فضلت رامي ابتسامة تكذيب منك لكلامي .

قلتلي ببساطة انك بتحبني بس مش زي أختك و لا صاحبتك .قلتلي اني حبيبتك .

******

تعليقاتك المستفزة على كل تفاصيلي :ضحكتي،صوتي ،لبسي ،جسمي ،حتى تفكيري .

نظراتك لكل بنت معدية و مقارنتك دايماً بيننا ،كانت بتموتني .

مرضيتش اقولك اني من يوم ماعرفتك بقيت صفر .

أنا بقيت آآآآآخر واحدة ممكن عينك تلقطها أو تشيعها باعجابك اللي يقدر يغرق الكون كله .

******

انا مكنتش عايزة أكتر من ان عينك تشوفني ،تحضن ملامحي ،و تلمسني .

لمسة دفا واحدة ،صدقني مكنتش هتفرق معاك لكن كانت هتبقالي كون بحاله ،كنت عايزة اسمع صوتك لما الدنيا تهدى و ترجعني وحيدة .

كنت نفسي أكون زي ما انا عالأقل .

بس حتى و انا معاك كنت بردانة و قبلك كنت بردانة ،يبقى وجودك فرق ايه معايا؟!!

*****

لأنك شاعر فحبستني جوه قصيدتك .كنت مجرد حالة و راحت لحالها .

و لأن قصايدك كتيرة و نفسك تخبي جواها وجع اكتر و تسيب بعدها نزف طويل .

خلصت حكايتنا بسرعة .

*****

كان غريب اني اكون لسة محتفظة برسايلك و ايميلاتك و اعيد قرايتهم كل مدة او دقايق ، صدقني استغربت لما فهمتك ،

لأنك مجرب كان لازم اصدق احساسك وقتها و اني اتوه عنك وسط الرسايل .

يمكن لان وقتها عيني مكنتش شايفة الا كلامك ،انما حقيقتك ،انت .

بيقولوا ان عيوننا مش بتشوف الا اللي بنقولها تشوفه ،

تفتكر عشان كدة أنا مشفتكش ؟؟

بس عارف في نهاية اليوم بعد القراية أنا عملت ايه؟؟

بضغطة مني على

Delete

مسحت كل تفاصيلك و حكايتك .

*******

طقوس وحدتي بعدك مكنتش بنفس الطعم قبلك ،

صدقني بقيت بستمتع بيها اكتر .

seven pounds

2010-11-04T07:01:00.001-07:00

عندما تكون مستديناً للرب يجي أن تفي دينك .

ويل سميث كان مستديناً للرب بسبعة أرواح كان السبب في هلاكها ، حادث تسبب فيه أودى بحياة زوجته و ستة آخرين ،

ويل سميث لم تنس يوماً دينه و صمم على أن يفي به .

شاهدت هذا الفيلم بالصدفة البحتة و باقتناع تولد لدي بأنه ربما يكون "فيلم عادي " ، بالرغم من ذلك اصراري على عدم مفارقته او قلب القناة كان غريباً .

ويل سميث كان يحمل على عاتقه ما يجعله عابساً طوال الفيلم كأن الابتسامة لم تعرف طريقاً لوجهه أبداً ، علم أنه يجب عليه أن يفي ذلك الدين فانتحل شخصية "بن توماس" مأمور الضرائب الطيب .

"بن توماس" كان يبحث طوال الفيلم عن المكلومين و المحتاجين ، على استعدا أن يعطي قلبه حتى و لكن الشرط الوحيد أن تكون صالحاً .

"بن توماس" كان يعرض مساعدته في البداية و يترك عند من يحتاجونه و لو رقم ،و لأنه واثق أن الرب سيرحمه من دينه فلم يقلق إذاء كون البعض لم يتصل به قرب النهاية ليطلب المساعدة .

لكن الأزمة أن "بن توماس" أحب محتضرة جالسة بانتظار رنة جهاز الإستدعاء ليخبرها أحدهم أن ثمة قلب بانتظارها ، تعيش على أمل ومضة جهاز الاستدعاء .

في رحلة "بن" للوفاء بدينه فقد الكثير :

بيته ، رئة ، جزء من كبده ، نخاع ، كلية ،عينان.

و لكنه في النهاية أدرك أنه لكي تعش حبيبته يجب أن يموت فتنازل لها عن قلبه عن طيب خاطر،

لتحمله بداخلها و لتراه في عيون "إزرا" الأعمى الذي تنازل له "بن" عن عيناه و ليستريح هو من دينه و يقابل ربه بلا ارواح على عاتقه .

سبعة مقابل سبعة .

"بن توماس" كان السبب في هلاك سبعة و كان السبب في إنقاذ سبعة !.

seven pounds

ربما يكون أفضل ما رأيته حتى الآن !.

بوح

2010-10-01T16:33:00.000-07:00

لي ..

عشيق سري و حافظة حمراء .

بالليل..

أسكن تحت وطأة الجسد الدافيء ،

و أبوح

بنهاراتي الشاحبة ،

بخطاياي النهارية ..

بالنهار ..

أفضي بلذة مختلسة تحت وطأة الجسد الدافيء .

أبوح

بخطاياي السرية

في وريقات أخبئها في الجيوب الجلدية الحمراء .

و أبوح

لأنني أعشق البوح .

جدوى

2010-09-23T15:09:00.000-07:00

منذ أيام حبست نفسي خارج المنزل . كنت عائدة من حفل سيء صخب ، كالعادة البواب في أجازة طويلة و باب العمارة مغلق .

وجدت رجلاً غريب منتظراً أحد السكان يفتح الباب ليدلف إلى الداخل .بمجرد ظهوري أمامه أظهر امتنانه لي منتظراً أن أشهر المفتاح لأفتح الباب ليدخل .

غمغت ببضع كلمات " ثواني " ....

دسست يدي في الشنطة أتلمس قدم ميكي "الميدالية" . أعبث بمحتويات الشنطة ، أخرجها و أدخلها مرة أخرى لأكتشف أنني نسيت المفتاح .

تبدل وجه الرجل لليأس الشديد . أخرج هاتفه و غمغم لحظات ثم رحل .

أذكر أنني بعدها وقفت دون أي محاولات للدخول سوى بضع طرقات خفيفة على الباب لم تستمر لثوانٍ ،

كنت أفكر في جدوى حياتي ،في الحرية التي ينعم بها المراهقين أمامي ،في محاولاتي للهروب من الفشل و إدعاء النجاح .

في محاولاتي ببهرب من الفشل و ادعاء المجاح ،

في النهايات غير المتوقعة لقصص حبي الخيالية ،

في تديقي بأعين الناس في الفترة الأخيرة و اتهام البعض لي ب"البجاحة" و محاولتي لدرأ التهم بادعاء التركيز . لا أعلم ما المشكلة .

أنا أحب العيون ليكن ذلك واضحاً . أعشق تلك الكرات المستديرة الغارقة في الدهشة و التعبيرات الحقيقية .

كنت أفكر في حميمية غرفتي الصغيرة و الفراغ الناتج عن التخلص من الستائر القطيفة الثقيلة و التي كرهتها بشدة ، رغم أنني أعشق ملمس القطيفة الناعم من جهة و الحاد من جهة أخرى و لكن مثلما تجذبني القطيفة فهي تجذب التراب ليزيدها ثقلاً و يزيد شعوري بالاختناق .

كنت أفكر في مكتبتي الصغيرة و محاولاتي اليائسة لجعلها أكبر حجماً ، و الكتب المكدسة بداخلها و التي أعدل من وضعها كل فترة حتى أصل للوضع الملائم الذي يجعلها تستوعب كل الكتب .

فكرت في رؤيتي للأشياء و التي لا تستوعب فكرة أن يكون التراب ملفتاً للنظر مثلما يتوجب علي بحكم كلام أمي

"البنت لازم عينيها تجيب التراب"

لا أستوعب حتى الآن مدى سؤ التراب في عيني أمي أو البنت التي تتحدث عنها ،لما أنا مجبرة على استخدام عيني كميكرسكوب للبحث عن التراب الخارجي محاولة تجاهل التراب العالق بأرواحنا .

أرواحنا التي علق بها القدم و غلفها التراب .

التراب الذي ننشغل عنه بتراب آخر تكفيه لمسة من أي فرشاة ، أما التراب الملتصق بنا لن تبعده عنا ألف فرشاه و ألف منظف أسطح .

التراب الذي يلتهم داخلنا في هدوء و استمتاع منا و راحة تنتابنا عند دفن أرواحنا .

كدت أصل للا جدوى التي أخرج بها دائماً من أي فكر يشغلني ،إلا أن أحد السكان أنقذني فجأة من الغرق داخل رأسي و فتح لي الباب متصنعاً ابتسامة إسداء النفع .

***

ترقص؟

2010-09-03T19:37:00.000-07:00

أنا مبسوطة

جميل جداً إن الواحد يكون مبسوط في ظروف متسمحش بأي انبساط خالص يعني ، بس أنا مبسوطة فعلا انهاردة و نفسي اتكلم عن انبساطي زي ما بتكلم عن اكتئابي ، يمكن عشان لما ارجع للبوست دة انبسط تاني و تالت و رابع و مليون .

انهاردة كانت خطوبة ياسمينة و عكس كل المناسبات الاجتماعية اللي بحاول اتهرب منها انا روحت يمكن عشان بعزها قوي و حقيقي كنت عايزة اكون معاها فعلا و يمكن كنت مطمنة اني مش هتجيلي اعراض المناسبات الاجتماعية زي الهرش و التوهان و الانزواء

عشان كان معايا سمية -سمسمة- اللي انا بحبها جدا و نفسي اني اعرف اي حد في نص برائتها و طيبتها ، أصل الصحاب دول نعمة من عند ربنا و أكبر نعمة كمان .

انهاردة و لأول مرة اعملها وسط ناس -سيدات طبعا- رقصت ،أيوة الله رقصت و مش على أغاني قديمة او مزيكا راقية شوية ،لأ رقصت على أغاني شعبية ، وقتها افتكرت منير و هو بيقولي ترقص غصب عني ارقص ، يمكن وقتها حسيت انه معاه حق و اننا بنرقص اوقات غصب عننا المهم ايه اللي جاب منير للشعبي اهو كله رقص.

:)))))

يمكن لو حد اتصرف قدامي التصرف دة في وقت تاني كان ممكن اتخرم من نظرات الاحتقار اللي هوجهاله ، انما انهاردة كان غريب اني اتصرف زي باقي البنات و آخد عالجو بسرعة و اتعرف على قريبات ياسمينة البنانيت الحلوين اللي اتصاحبت عليهم من اول ما عرفتهم و اللي طبعا اتصورت معاهم مليون صورة من غير العروسة :))

طبعا انا كنت قايمة بدور المصورة الرهيبة هبة يعني بالطول و بالعرض و شغالة و مبطلتش هزار مع البنانيت

تاني تصرف عملته

محدش يضحك عليا

مش قادرة ابطل ضحك لحد دلوقتي

المهم مطولش عليكوا

قررنا نعمل حركة معملناهاش قبل كدة ،سمية جهزت معاها كيس في شنطتها و لفينا الجاتوو في كلينيكس و اديها جوه الكيسة احنا و البنات كنا متواطئين في التصرف دة الل كان في البلكونة الحمد لله .

طبعا كنا هنقع م البلكونة من كتر الضحك بس انا كنت مستمتعة جداً.

كان نفسي اقرص ياسمينة من ركبتها بس معرفتش للاسف كانت مرسة عليها جامد بس على مين هتنقرص يعني هتنقرص

و انا مروحة انا و سمية مشينا على شريط القطر و القطر كان ورانا كنا بنجري و بنضحك في نفس الوقت لحد ما الحمد لله لقينا سلم نزلنا عليه درجتين عشان القطر معدي .

و عديت كمان على بيت نوسة حاجة وحشة قوي انه الاصحاب يسافروا و انه لما نعدي على بيتهم نحس بفراغ و بان مبقاش فيه حد موجود هنا تاني . عادي لمسة شجن واحدة في اليوم الحمد لله انها كانت واحدة .

و لما وصلنا قرب بيتها اتخانقتلها مع ست رخمة كدة عشان اركبها المشروع قعدت اتخانق مع الست و ازاي تحجز و ازاي و ازاي ووسعت مكان و بعد كل دة الست اتفاجئت باني مش هركب و بركب صاحبتي ، الله انبسطت قوي و انا بتخانق و بدافع عن حق صاحبتي في انها تلاقي مكان في المشروع ،اصل انا لو سكت مكنتش عرفت تركب .

و انا بكمل الطريق لوحدي جبت شيبسي بطعم الفطار للاسف طلع طعمه سلطة بابا غنوج-يع- اللي انا مبحبهاش بس لما اكلت منه اكتشفت ان طعمها حلو فعلا ، ازاي انا مجربتش اكلها لحد دلوقتي و بدعي اني مبحبهاش هو ينفع اكره حاجة معرفهاش؟

بس كدة خلص اليوم اللي انا كنت مبسوطة فيه بس مش معنى ان اليوم خلص ان الانبساط راح .. يارب ابسطتني كمان و كمان .

:))

ليه؟

2010-08-02T15:26:00.000-07:00

ليه لما بكون محتاجة اتكلم مع حد بجد مبلاقيش و اما بكون مش طايقة الناس كلها ألقى كل الناس بتكلمني؟
ليه الشتا بيخلص بسرعة قبل ما اخلص كل مشاريعي فيه و الصيف بيطول و معاه بتتأجل كل أحلامي للشتا الجاي؟
ليه انا بتعلق دايما بحاجات و بناس عارفة اني هفارقهم و مبتعلقش ابدا بناس قريبين مني و عارفة اني مش هضطر افارقهم في يوم؟
ليه اصحابي بيوحشوني قوي مع ان قليل لما حد يكلمني و يقولي اني وحشته؟
ليه في عز ما انا فرحانة بنقبض بسرعة و تضيع مني الفرحة في ثواني مع ان الحزن عمره ما ضاع في ثواني؟
ليه كل اللي يعرفني مشافش مني غير الضحكة و الابتسامة اللي مبتفارقنيش ؟
ليه الحزن جوايا متداري مبيوجعش غيري ؟
ليه بحب ناس مبتحبنيش و محبش ناس بتحبني؟

ليه أنا لحد دلوقتي مش قادرة افهم الناس صح ؟

ليه كل حاجة بستناها تيجي في وقت مش مناسب؟

ليه انا حققت جزء من احلامي و اقتنعت اني اقدر احقق الجزء الباقي لما كان ممكن محققش حاجة خالص و اكون واثقة اني مش هقدر؟

ليه النور بيقطع لما بكون قاعدة لوحدي ؟

ليه بنلزق كل حاجة للنصيب ؟

ليه أنا مبقاش حد تاني و خلاص ؟

آآآآآآآه يا زمن

2010-07-20T15:47:00.000-07:00

من يومين بس أنا عرفت ايه أكتر حاجة بترعبي في الدنيا
كان في إيدي ثلاثية غرناطة الرهيبة اللي انا للأسف مش هحبها زي مئة عام من العزلة
أول ما لقيت العمر جرى و بقيت مريمة عجوزة قوي و لوحدها في البيت مع علي
ساعتها خفت
افتكرت أورسولا و مئة عام من العزلة و نفس المشاهد
البيت اللي بيشيخ
اهله يبيسيبوه الصغار بيهربوا بعيد عنه و الكبار بيموتوا
و اللي مامتش منهم لسة بيكون نصيبه الوحدة بين الجدران اللي شاخت
حاجة صعبة قوي
ساعتها بس عرفت أنا إيه أكتر حاجة بترعبني و عرفت اني مش هحب الروايتين عشان كل ما هفتكرهم هفتكر رعبي من الزمن
العمر اللي بيعدي فجأة في كام صفحة
الناس بتشيخ فجأة في كام سطر

ساعتها بشوف نفسي في نفس الكادر اللي بقراه
عجوزه و مكرمشة خالص بتتحرك بالعافية
وحييييييييييييييييدة

كمان ليا زمن مفضفضتش

بيتهيالي انه التدوين نوع من انواع العلاج النفسي

و لا زم استغله

عايزة اتكلم عن اي حد و عن الناس اللي اعرفهم

عن الصحاب الجدعان و الواطيين برضه

عن الندالة و النفسنة و الخسة

و عن الطيبة و الجمال و الجدعنة

المهم

هكمل في بوست تاني

لا شيء هناك

2010-06-26T13:37:00.000-07:00

لا أتخيل حباً و لا عشقاً

بل أتخيل وداعاً

وجعاً هادراً

أستلذه برفق

ثم أبتلعه دفعة واحدة

أغمض عيني لحظات فلا أرى إشتياقاً أو حرارة تذيبني

بل أجدني

"أنا" و "آخر"

لا يوجد همس و لا حب يطل من العيون

لا أيد متعانقة و لا قبلة مختلسة

لا شيء هناك

سوى دمعة تحبسها عيني

و كلمة تحبسها شفتاه

يُقلص وجهي الوجع داخلي

و هو يبتسم لنفسه ابتسامة من فعل ما يتوجب عليه فعله

ينهض

يخرج

يبتعد و أنا لا أتحرك

***

طفلة صغيرة كنتها

بذيل حصان جانبي رأسها

و غمازة واحدة في خدها لأيمن

تركها والدها تفلت من يداه

و لعب اخوها بأعصابها الصغيرة

فاختفى عن نظرها لحظة

أدركت فجأة حقيقة أنها وحدها

وحيدة تماماً

وسط زحام

ممر ضيق

يحده الناس من الجانبين

ماسكي البالونات و الفرحين بلمتهم

خلا الممر من الناس و ظللت وحدي

أتغلب على خوفي بتذكر أسماء الحيوانات التي رأيتها يومها

أتابع الناس من حولي و المحدقين بي بحذر

أتصلب مكاني

و يتسلل الخوف إلي

أتطلع لما وراء الممر بشغف

أنتظر وجه أبي الأليف

ليطل علي منه

أتلفت حولي مفتشة عن وجه أخي مبتسماً في تشف

يخبرني بأنه "مقلب"

أنتظر

و أنتظر

لأكتشف أنه لاشيء هناك .

حداد

2010-06-24T14:11:00.001-07:00

تفاحتي

2010-06-07T13:01:00.000-07:00

لن تكون تفاحتي خطاءة أبداً ، كل التفاح خطاء إلا تفاحتي

لن تنزلني من السماء إلى الأرض ، و لن أقطعها مع النبيذ أبداً .

ستكون طيبة و سأقسمها أربعة أجزاء ، سآخذ منها جزء ، بعده جزء . وأمضغها مع هواء البحر المرح .

سأعطي جزئيها الباقيين لرجل مسن ، يدثر رأسه بكوفيه في الصيف ، يرتدي بول أوفر يقيه ألاعيب البحر أمامه .

يجلس على كرسياً يحرس مطعماً كعلبة زجاجية ، سأتقدم نحوه و أمد يدي له بجزئي تفاحتي ، سيجد حرجاً لديه في البداية كي ييقبلها ،

حينها سألح عليه قليلاً كي يأكل معي . لن يتردد .

سيمد يده المرتعشة إليها و سيأخذها بإبتسامة حنون .

و عندما أمر من أمامه سينزل أرجله من على كرسياً أمامه و سيحييني بحنو .

سأجلس في مكان بعيد ، أرقب قضماته النهمة للتفاحة مع ذرات فرح تغزو قسماته .

سأفكر حينها أن التفاح يكون طيباً أحياناً ، و أن للأشياء أكثر من طبيعة .

قصة ليا في الأخبار يوم الخميس

2010-05-14T05:41:00.000-07:00

مقال ليا في الدستور

2010-05-08T06:12:00.000-07:00

اخيرا نزلي مقال في الدستور عن رواية " في كل اسبوع يوم جمعة "

لقراءة المقال

http://dostor.org/culture/books/10/may/7/15333

"عجائز قاعدون على الدكك" حنين لرائحة زمن مضى!

2010-04-20T14:48:00.000-07:00

كأنني كنت هناك..
في الريف، بتفاصيله كلها.. شوارع ترابية.. جدران طينية.. حيوانات وإوز وبط.. صِبْيَة يلوّث الطين ملامحهم.
كأنني كنت هناك..

جالسة بجوار عجائز على دكك ينتظرون الموت.

جو الريف والعجائز والموت، هي التفاصيل الأساسية التي يستلهم منها الكاتب "الطاهر الشرقاوي" مجموعته القصصية "عجائز قاعدون على الدكك"، الصادرة حديثاً عن دار نهضة مصر.

وكان لتلك التفاصيل حضور كبير في معظم قصص المجموعة، وهي تفاصيل قد تبدو مألوفة بالنسبة للقارئ؛ ولكن يختلف رصد الكاتب لها.

حيث يرصد الكاتب الريف بتفاصيله التي يراها هو؛ فيصنع جواً عاماً تشترك فيه أغلب قصص المجموعة.

تحتوي المجموعة على 29 قصة، وتقع في حدود 72 صفحة، وتتراوح أحجام القصص بين أقل من الصفحة وثلاث صفحات، يحشد الكاتب من خلالها شخوصاً كثيرة بتفاصيل متنوعة في نسيج مكثف، مستخدماً لغة ذاتية وشاعرية خاصة به تعتمد على بعض مفردات بعينها كـ"يبص - يشوف - يقعد".

وتبدو تلك المفردات عامّية بالنسبة للقارئ؛ لكن الكاتب ضفّرها في نسيج السرد ليصنع لغة خاصة به بنكهة سردية خاصة.
واعتمد الطاهر الشرقاوي على الحوار الداخلي في معظم قصص المجموعة.

فعنوان المجموعة "عجائز قاعدون على الدكك" ليس عنواناً لأي قصة من قصص المجموعة؛ وإنما ورد ذكره في قصة بعنوان "ماء البحر"؛ "حيث أناس عجائز قاعدون على الدكك في بيوتهم، يحنّون إلى رائحة زمن قديم، وإلى شرب كوب شاي معمول من ماء البحر.

وتشترك معظم القصص في بعض الكلاسيكية؛ كطريقة العرض وأسلوب الحكايا التقليدي؛ فقصة مثل "زيارات سرّية " تبدأ بـ: "كان هناك ولد صغير، لم يكن فمه تحت أنفه كبقية الناس، كان في جانب وجهه، تحديداً تحت خده، لم يكن شكله بشعاً، أو مقززاً؛ لكنه كان غريباً، وغير مألوف".

وهناك أيضاً قصص بها تجديد كبير وتميّز مثل قصة "الشرير":
"لن أقوم بعمل أشياء عبيطة، كأن أجرح سياراتكم الراكنة بمسمار أخبّؤه في يدي، وأتفرج عليكم وأنتم تشتمون: أولئك الذين لم تربّهم أمهاتهم".

وكرر الكاتب بعض المفردات مثل "المقابر - المسجد التايه - بعض الحيوانات - الموت"، والموت هو أكثر تيمة استخدمها الكاتب في المجموعة؛ ففي بعض القصص يرتّب لموت ويرسم تفاصيله، وبعض القصص لعجائز ينتظرون الموت وينكرونه في نفس الوقت، ورغم ذلك فالتنوّع مسيطر على قصص المجموعة.

نجح الطاهر الشرقاوي في رسم ملامح عالم خاص، أبطاله كبار السن والعجائز، وصنع رؤية ريفية خاصة به، بجوار الجو العام القائم على الرصد والحكي التقليدي البعيد عن شكل قصة الحداثة التي لا يتفاعل معها القارئ.

نشر في بص و طل اولا

http://www.boswtol.com/culture/culture-followup/10/april/20/11848

تداعي

2010-03-03T05:23:00.000-08:00

أود يوماً لو أتخلى عن زجاجة الببسي ال2 لتر الموضوعة بجوار فراشي ليس لادماني لها و حبي فيها بل لانها تعيد اتزاني و ترفع ضغطي الواطيء دائماً عند انفعالي .
أود لو أقيء تلك الافكار التي ترهقني كلها دفعة واحدة و أرتاح من الحاحها و ضغطها المستمر علي . أيمكن هذا ؟؟
أأستطيع يوماً أن أفعلها ؟؟
أن أتخلى عن عاداتي اليومية و الاسبوعية و السنوية ؟
رغم أن حنيني سيعيدني حتماً اليها ..هل سيعيدني ام اتوهم؟؟

يقول أحدهم لي يجب ان تتمسكي بالحب جيداً و لا تتدعينه ينسل من بين اصابعك و اقول له أنا لا أمتلك حباً و لا حتى نصفه و اذا احببت أحداً و أرهقت فكري به فينفض عني .
أتساءل أحياناً لماذا أنشغل دائماً بأحد أكون له لاشيء ؟؟

لا أملك القدرة و لا التركيز على الكتابة الكثيرة و احياناً اتمنى لو أكتب سطراً فقط أو كلمة تختصر ما أود قوله

تقول لي صديقتي التي لم أقابلها بعد انني يجيب أن اترك الفرصة للأصدقائي ليعبروا عن كونهم أصدقائي و أقول لنفسي لقد تركت ما يكفي و لم يعبر أحدهم عن ذلك
فهل يسحقوني أو انا لا أستحقهم ؟

أخشى أن ياتي يوماً أصبح فيه مثل من ألعنهم
أخشى أن يأتي الحب و يمضي و لم أتعرف عليه.

أخشى أن أفقد شجاعتي
أين تلك الشجاعة ؟؟
أصبحت أرتعب من نفسي و زادات أشباحي الضعف تقريباً
و من ضمنها غرفتي نفسها و الطرقة الطويلة التي تؤدي اليها
أذكر انني حينما أسهر وحدي أقطع مسافتها جراياً و لا التفت للوراء أبداً
و أضيء الأنوار بالترتيب حتى لا أبقى في الظلام وحدي
و حينما أدخل غرفتي فأفتش جيداً خلف الستائر و في الأركان بحثاً عن الشبح الذي ينتظرني بها

أخشى أن أتخلى عن حلمي.
لكن أي حلم أخشى عليه من الفقد ؟؟

كل أحلامي لم أحققها و واحد فقط منهم تحول لكابوس
كل أحلامي لم تكن سوى هراءات و أنا كنت أعلم ذلك
و يحزنني معرفتي بذلك أيضاً

أخشى اللانهاية أكثر من النهاية
و البدايات المبهجة
و يلائمني الحزن بشدة كما لو كان مكوناً أساسياً من مكوناتي
و أعتقد أحياناً أن هذا حظ من ولدوا في الشتاء
و أصبر نفسي بحب الشتاء و ليله الحزين

و أعلم أن اليوم الذي سأصبح فيه وحدي تماماً كذرة أحادية
سيأتي عما قريب و سيكون عزائي أنني أعلم ذلك

"وراء الفردوس" سحر الحدوتة!

2009-12-29T12:03:00.000-08:00

"كنمرة هائجة نزلت سلمى رشيد درجات سلالم بيتهم الثماني، يتبعها خادم يرزح تحت ثقل الصندوق الخشبي الضخم الذي يحمله. وقفت في منطقة جرداء بالفناء الخلفي الذي فقد كثيراً من رونقه، وأشارت بيدها فوضع الخادم حمولته على الأرض، مسح العرق والتراب عن وجهه"...

بمشهد مليء بالحركة -سيتكرر كثيراً داخل الرواية- بدأت أحداث رواية "وراء الفردوس" الصادرة عن دار العين للكاتبة منصورة عز الدين التي صدر لها من قبل مجموعة بعنوان "ضوء مهتز" ورواية بعنوان "متاهة مريم".

الرواية المرشّحة في القائمة القصيرة لجائزة البوكر تعدّ رواية أجيال، ولكن بشكل غير تقليدي وبقفزات خلفية وأمامية للزمن بين الأجيال دون السير على خط متوازٍ للزمن.

تبدأ أحداث الرواية بسلمى وهي تودّ حرق الصندوق الخشبي الذي يحوي أوراقا وأشياء لأبيها لم تفصح عن محتواها الراوية، وفي المشهد تحرق الصندوق، ولكن عند تكراره في الرواية نكتشف أن الصندوق لم يحترق.

"سلمى" و"جميلة" الجيل الثالث الذي تبدأ بهما الرواية. "سلمى" هي الشخصية المحورية، شابة تسيطر الأحلام والذكريات على حياتها، وتتخيل فردوساً خاصاً بها تتمنى الذهاب إليه. وتتحكم الأحلام في حياتها.. "عادت سلمى إلى بيت أبيها مدفوعة بحلم!".

وفي حلم ترى أنها تقتل جميلة صديقة طفولتها، وعندما تصحو تشعر بالذنب كأن فعلتها كانت حقيقية.. "قالت لنفسها: أنا قتلت جميلة".

وجميلة تعتبر المعادل الموضوعي لشخصية سلمى؛ فهي صديقة طفولتها على الرغم من اختلافهما. فسلمى تحب الظهور وجميلة ترغب في الاختفاء. سلمى تحتقر جسدها وجميلة تحتفي بجسدها. سلمى ابنة الطبقة العليا في الريف ووالدها صاحب مصنع الطوب. أما جميلة فهي ابنة خادمهم "صابر" الذي صرعته ماكينة في مصنعهم.

بعدها نلتقي بشخصية "ثريا" والدة سلمى وشخصية "نظلة" عمة سلمى التي تشبهها سلمى بشكل كبير في تعاملها مع جسدها، حيث ظلت طريحة الفراش مدة أربع سنوات منذ أغلق عليها باب غرفة النوم مع عريسها رقدت دون حراك وامتنعت عن تناول الطعام وبعد الأربع سنوات وطلاقها من عريسها عادت لمرحها السابق ولم تتزوج مرة أخرى. أما سلمى فبعد زواجها من "ظيا" البريطاني من أصل باكستاني تحولت العلاقة بينهما لشيء مقيت يضغط عليها، وكان جسدها يتمرد ثم تحول لجسد ميت.

أما شخصية جميلة فتنعكس عليها شخصية "لولا" أخت ثريا التي حملت بدون زواج وانتحرت، وأصبحت النقطة السوداء في حياة ثريا التي تتحاشى الكلام عنها. أما جميلة فأخطأت مع هشام ابن "جابر" زوج والدتها وشقيق "رشيد" والد سلمى، ولكن مع الفارق فـ"لولا" انتحرت أما "جميلة" فلم تهتم بالخطأ وانكبّت على دراستها أكثر وكأن خطأها دفعها لأن تصبح الأفضل.

الرواية يرويها ثلاث شخصيات؛ أولها: المؤلفة والتي كان حضورها واضحاً في وجود الهوامش، وثانيها: شخصية الراوي شبه العليم وغير الموثوق فيه أيضاً، فهو يروي أحداثا ثم يعود لها برواية أخرى، وثالثها: شخصية سلمى نفسها فهي تكتب رواية بناء على نصيحة طبيبتها النفسية.

يقابلنا في الرواية شخوص آخرون منهم "رشيد" والد سلمى و"جابر" و"سميح" الإخوة ووالدتهم "رحمة" التي ماتت أختها أثناء إنجاب سميح، فتزوجت زوج أختها وأنجبت جابر ورشيد، ومن هنا يأتي ابتعاد سميح عنهما فهو غير متعلم ويهتم بالزراعة ويعيش حياته على أمل تعلم القراءة لكي يعرف محتوى الأوراق التي تركها والده. أما جابر وسميح الشريكان في مصنع الطوب الذي مات فيه "صابر" والد جميلة. ويعمل به "رزق" الحريق المسيحي والد لويزا.

وشخوص كثيرون تقابلهم.. كل شخصية لها حكاية وتتضافر الشخصيات في نسيج متين شيق مكونة الرواية التي ترتكن بشكل كبير إلى أسلوب الحدوتة الساحر، وتنتقل من حكي لآخر ببراعة شديدة وقفزات رشيقة في الزمن. وتتوالى الشخوص في عرض شيق لرحلة سلمى للذهاب إلى فردوسها الخاص عبر الأحلام -التي تهتم بتفسيرها- وذكريات الطفولة في إطار رصد للمتغيرات الاجتماعية التي حدثت من فترة الثمانينيات وما قبلها أيضاً إلى زمننا هذا، كعرض تاريخ مصانع الطوب وتغييرها لنظام الحياة في الريف وتنتهي الرواية بانتهاء رواية سلمى وتسليمها لجميلة كأنها وصيتها ووقوع حادث لسلمى. وتوصلنا لتساؤل: هل تمكّنت سلمى من الذهاب إلى فردوسها أم ظلت سجينة مخاوفها وذكريات طفولتها؟

نشر في بص و طل اولاً

http://boswtol.com/culture/culture-followup/09/december/28/5547

"لقاء"

2009-11-04T07:49:00.000-08:00

لا لم تكن قدماها و لا همسة عالقة في ذكراها . حتماً كان داء خفياً قرص احشاءها فتراقصت متصارعة معلنة الحاجة . او كان هاجس ما حملها الى ذلك المكان . دقات كعبها العالي المعلنة انوثة طاغية- رغم تخطيها الربيع - لها ان تفخر بها تشق الممر الموصل اليه بخفة . انتقت عيناها طاولة بعيدة عن اعين الفضوليين المتسائلة عن كونها وحيدة . شهيتها طلبت الطعام ووحدتها طلبت شراب دافيء لتحتسيه مُراقبة الموجودات في صمت.
صوت فيروز و هو الجالس على طاولة مجاورة فاجأها . اخرجها من صمتها بآهة اندهاش . تساءلت . أيتكاتف الزمان عليها مع صوت فيروز لايلامها؟ . لتذكيرها بخستها مع من كان حبيبها الجالس الآن بقربها ؟
فيروز اغرقت الموجودات في صوتها و سالته بنفسها

بتذكر أخر مرة شفتك سنتا
بتذكر وقتا أخر كلمة قلتا
و ما عدت شفتك و هلأ شفتك
كيفك أنت ملا أنت؟؟

هو وصله صوت فيروز المحمل برسالتها . رمقها بنظرة طويلة ليريها ان الزمن لم يعد كما كان و انه تغير . اخرج ورقة مالية و القاها بيده اليسرى المطوق خنصرها بهالة فضية على الطاولة و رحل .
هي وصلتها رسالته . نظرت لنفسها في سطح مصقول بقربها . لحظت تجاعيد و بسمة قاسية التصقت بملامحها . اخرجت ورقة مالية لم تعلم فئتها وتركتها على الطاولة و رحلت منكس راسها محني ظهرها تزحف مختبئة من نظرات الفضوليين التي رمقتها في تشفي و اختفت.
بتذكر اخر مرة شو قلتلي
بدك ضلي بدك فيكي تفلي
زعلت بوقتا و ما حللتا
أنو انت هيدا انت
بترجع عراسي رغم العيال و الناس
إنتا الاساسي و بحبك بالأساس
بحبك أنت ملا أنت

"شبح انطون تشيخوف "بأبطال شبه مختفية

2009-10-26T16:57:00.000-07:00

بلُغة سردية خاطفة بدأ الكاتب محمد عبد النبي مجموعته القصصية " شبح انطون تشيخوف " الصادرة حديثا عن دار فكرة .تنقسم المجموعة الى قسمين الاول هو " اصدقاؤنا الشهور" و يوجد به 12 قصة تحمل تسميات الشهور الميلادية بالترتيب فتبدأ بيناير و تنتهي بديسمبر .اما القسم الثاني و هو " اسلافنا " به قصة واحدة و هي " شبح انطون تشيخوف ".
قد يبدولك ان تسمية المجموعة جاءت من تسمية القصة الاخيرة فقط و لكن اعتقد ان شبح انطون تشيخوف و الادب الروسي خاصة كان حاضراً في كل قصص المجموعة حيث تتمحور القصص حول الشخوص و ايضاً هناك رؤية شبحية للبطل فهو اما انه غير موجود او موجود و غير محدد الصورة و المعالم و لا يظهر حتى في بعض القصص . فالراوي اما انه ينتظره او يحكي عنه او معه وسط مجموعة .
اتخذ الكاتب مبدأ تسمية قصصه فقط و ليس عنونتها . فلا يعبر الاسم عن القصة ابداً . بدأت المجموعة بقصة " يناير " تلتها " فبراير " بالرغم من تماثل الطقس في الشهرين الا ان الكاتب عرض شخصيتين متضادتين ففي يناير الشخصية التي يكرهها الجميع و تخشاهم ايضاً و لكنهم واقعون تحت وطأة تأثيرها . أما في فبراير الشخصية التي تساعد الجميع و لها افضال على كل الشخوص و لكنها اختفت و لم يشعر احد باختفائها ربما لانها كانت ارق من النسيم لتُحس .
و في " مارس " الشخص الواقع تحت سيطرة امه المتحكمة و يتساءل احياناً " لا اعرف لماذا اعطاني الله أماً قادرة و شرانية و اجمل من اللازم مثل هذه ؟ فلا استطيع قتلها و لا استطيع عبادتها من دون الله ! " و رغم شكوى الشخصية للراوي الا انه يتلقى مشكلته بللامبالاة و كانه اعتاد منه تلك الشكوى.
و هكذا تتوالى الشهور و معها تتوالى الشخوص التي احياناً تظهر و احياناً لا تراها و لكنك تشعر بوجودها و تأثيرها على جو القصة
استخدم الكاتب في اغلب القصص الراوي العليم في السرد حيث يكون احياناً مُفرد يتحاور مع البطل و احياناً يكون مجموعة كاملة تتكلم عن البطل و في قصة مثل " نوفمبر " استخدم الكاتب راوي مُنتحر يحكي عن حياة صديقه البائسة ثم يختم القصة دون عرض اسباب انتحاره .
- للكاتب محمد عبد النبي عبقرية ما في بدأ الحكي فتبدو بعض القصص ذات بداية خاطفة اي تخطف القاريء معها من اول كلمة الى نهاية القصة . فتبدأ قصة مثل " مايو " ." يا الله !من كان يتصور شيئاً كهذا ؟ مها ؟ مها ؟ هذه لعبة التحولات و المصائر و من النقيض الى النقيض " . حيث يتحدث الراوي في مجموعة عن النجمة صديقتهم و قصة انتقابها و اعتزالها الفن و الحياة .
اما الجزء الثاني من المجموعة فيحمل قصة " شبح انطون تشيخوف " و هي تعتبر معارضة قصصية لقصة انطون تشيخوف " البدين و النحيل ". ثم يختم مجموعته بترجمة لنفس القصة .

http://boswtol.com/culture/culture-followup/09/november/2/2558

"لوح شوكولا و كرسي هزاز و دفء تحتاجه"

2009-10-23T15:21:00.000-07:00

لأن شخصاً ما قال لها يوماً " وداعاً يا صغيرتي . سأعود يوماً ما " و كثيرون مثله قالوا . ولأن الصغيرة لم تعد صغيرة و احتاجت الدفء ليغلفها . ودت لو ان شخص ما يربت على كتفيها بحنو . يخلع عنها رداءات الفقد . يحرق قائمة وداعاتها الطويلة المشوكة و يقذف الرماد بعيداً عن مرمى ابصارها .
تأبد المكان حولها و أصبح في سكون القبور و نسي انه مازالت هناك روح عالقة تراكمت بداخلها اشواك الوحدة الصدئة . روح تمنت لو ان انفاساً غير انفاسها تُحرك سكون الهواء الآسن حولها و تعطر نسماته القليلة .
في لحظة منسية فعلتها . نظرت للوحي الكرسي المقوسين الملاصقين اسفله . مررت يديها على ازهار يطفح بها جسده الصلب و تنفست بقايا عطر ينزهُ.
صنعت لنفسها تجويفاً في فراشه يحتويها داخله و فيه تمددت . نطقت قسماتها بالدفء و استكانت . مدت يدا ُتيبست بفعل سنين باردة للوح شوكولا ممد بجانبها ملمسه ألهب اناملها المثلجة . مذاقه غمرها بالدفيء من اسفلها لاعلاها و تنفسه جسدها اللدن . ابتلعت عطوره بداخلها و سكنت . خلعت جلدها المتجمد لفراش الكرسي الدافيء ليسكب عليه من دفئه القليل و أعطت اهتزازته ما تبقى من جسدها يُعربد فيه و تُعربد في اهتزازته للابد.
.

سقوط

2009-10-11T08:01:00.000-07:00

تتساقط الكلمات من يدي على الارضية العارية الا من وشاحها الذي يحمل حطام قلبها محدثة دويا" يشبه الفرقعة . كأنها تأبى بارادتي ان تُنقش على الورقة البيضاء كقلبها . تأبى ان تكتب الوداع . تأبى ان تضع نقطة النهاية بارادتي . ينبئني ضجيج السيارات البعيد في الاسفل بالحطام الذي ساتحول اليه بعد قليل . ألملم الكلمات فلا استطيع . تتفرق تجري تهرب تختفي أبحث عنها فلا اجدها . أمسك بوشاحها و أنفضه جيدا" تسقط منه كلمات تصرخ . أنت ظالم . ظلمتني . يصرخ قلبها المحطم في يدي كصراخها لحظة تركتها فيها . أحببتك فلماذا تتركني ؟ . يصرخ و يصرخ يصيح بصوت كألف مدفع يصم اذني و تتدافع معه الكلمات الهاربة . تتشكل في كلمة واحدة افعلها . افعلها انت تستحقها . أصيح فيها : لماذا لماذا ؟ . يندفع لحن واحد صارخ بأصوات الكثيرات . تتجمع أطياف مُشكلة أجساد ووجه واحد لها . آلاف النسخ لها تقترب مني تصرخ تدفعني . أبتعد فتقترب أكثر فأكثر . لا أحتمل الصراخ . يحتشد ضجيج السيارات في الاسفل مع الصراخ يرسم كلمة واحدة يصرخ بلحن واحد . افعلها افعلها . أقترب أقترب اكثر من جدار الشرفة . أتلمسه خلفي فأجده سرابا" أستند عليه فيختفي . أسقط أهوى الى الاسفل . تبتعد هي و تقترب الارض اسفلي . كلمة اتمنى ان تنطلق لاودعها ...... الود .... صوت ارتطام قوي يغمر روحي محدثا" دوائر من السكون حولي . اتمنى اكمالها فتكملها هي ...............اااااااااااااع

ندبة !!

2009-10-01T16:01:00.000-07:00

باعين تفور ببهجة الاندهاش . طفلة العشر سنوات بضفائر لا تلائم قصة شعرها القصير . برداء ذكوري عابث. بجوار والدتها وقفت تفحص ارفف اللعب و العرائس . تبحث عن عروسة تتمناها . شعر ذهبي طويل . عينان واسعتان و ملابس جديرة بانثى ناضجة . سقطت عيناها على بروز منتفخ نبت في بطن امراة بجوارها . شدت الطفلة يد والدتها و سالتها : ماما هما العيال بييجوا منين؟ . على الخد الوردي الصغير هوت الصفعة . بنت عيب اللي بتقوليه و لو سمعتك بتسالي السؤال دة تاني انا هحرقك بالمعلقة على ايديك .
تكبر الطفلة و تملك من العمر اضعاف العشر سنوات . تملك يدا تلونت بدوائر بنية محترقة . في القلب نبتت ندبة بصفعة يد هوت يوما على خدها .

محاولات للابصار بعلاقات رياضية !!

2009-09-23T03:09:00.001-07:00

عندما تقرأ المجموعة القصصية "محاولات للإبصار" للوهلة الأولى سوف تشعر أن كاتبها أكثر من كاتب واحد. سوف يدهشك كمّ التناقض والتنوع بين القصص، تبحث في الغلاف عن أكثر من اسم. يصدمك وجود اسم واحد على الغلاف هو اسم كاتبها "وسيم المغربي".http://www.boswtol.com/culture/culture-followup/09/september/19/208

حكايات قبل النوم

2009-09-19T12:14:00.000-07:00

دوى صوت ثلاث دقات على الباب الخشبى لحجرتها جعلها تقفز من مكانها وتهرع مسرعه يسبقها قلبها الى الباب لتفتحه
-سيدة عجوز هى يفصل بينها وبين القبر خطوات قليله غزا الشيب شعرها فاصبح فى بياض الثلج ونجح الزمن فى ترك بصمته على وجهها
توفى زوجها منذ دهرفى شبابه . طالما كانت تحسدة على وفاته فى شبابه فهو لم يطلب من احد مساعدة توفى وهو بكامل صحته لم يزعج الاخرون من حوله .
كم تمنت لو انها ماتت معه لتستريح من نظرات الشفقه التى تحيط بها والاعين الملوله التى تتملقها فى اصرار
كم تمنت لو انها فقدت السمع كى لاتسمع تذمر زوجه ابنها الوحيد وشكواها منها لابنها
ابنها الوحيد الذى لم يعد يريدها . ابنها الذى لم يصبر على الفقر او يجهد نفسه فى العمل. اختار الطريق الاسهل الى الثراء
زوجه تكبره ببضع سنين ليست مشكله مادام سوف يهجر الفقر
وكان شرطه الوحيد ان تنتقل والدته للعيش معه ومضطرة وافقت زوجته
منذ ان انتقلت للاقامه مع ابنها فى قصر زوجته وضعها فى حجره بعيدة عنه حتى لاتزعجه بنصائحها وتزعج زوجته
اياام كثيرة تمر عليها دون ان يسأل عنها احد او ترى ابنها لم ترى سوى الخادمه التى تدخل اليها الطعام يوميا"
وفى حجرتها الباردة الخاويه تمنت الموت اكتر من مرة دعت الله بأن يريحها من عذابها
كل هذا كان قبل مجئ الطفل
طفل صغير انجبته زوجه ابنها بعد عدة محاولات فاشله فى الانجاب
طفل صغير ولد يعانى من خلل نادر فى تركيب المخ وهذا يؤدى الى خلل فى وظائف المخ مع بعض التشوهات الجسميه
كان مجئ الطفل صدمه لوالدة ووالدته وهديه السماء للعجوز
فمع هذا الطفل شعرت بالحنان لاول مرة بعد موت زوجها شعرت برغبه فى الحياة لتكون بجواره
اعتاد الطفل كل ليله ان يذهب لغرفه جدته قبل النوم . علمته جدته ان يطرق على الباب ثلاث دقات ثم يفتح الباب
وعلى الرغم من صحتها الواهنه وارجلها التى تكاد تحملها الا انها كانت تقفز مهلله حينما تسمع دقاته
تضم الصغير بقوة وتأخذة بجانبها على سريرها لتطلعه على عالم الحكايات السحرى . عالم لا يمت للواقع باى صله . عالى لايوجد به قواعد او قوانين فقط الخيال هو ما يحكم كل شئ
كل ليليه تحكى له حكايه قبل النوم
عشق الطفل سماع حواديت جدته فهو فيها البطل الذى يتمناه
تارة يحرر البلاد من الوحوش
وتارة ينقذ الاميرة من الساحرة
وتارة لديه قوة خارقه ينقذ بها الابرياء ويحارب الاشرار
وتارة اخرى يجد الكنز الذى كان يبحث عنه
-عشق الطفل جدته التى تطلعه على هذا العالم الجميل السحرى وتمنى الذهاب اليه يوما"
بعدما تنهى للصغير الحكايه تجدة قد نام فى فراشها فتنادى الخادمه لتحمله معها الى غرفته لينام بها
وعندما تضعه فى فراشه يفاجئها بقبله منه على يديها ثم ينام
استمرت ايام العجوز على هذا المنوال فمع هذاالصغير عشقت الحياة بعدما كرهتها لجحود ابنها
جاء يوم لم يدق الباب فيه
يوم كانت تعلم انه لامفر منه
الكل كان يعلم ان الطفل لن يعيش طويلا" بسبب التشوهات الجسميه ولكنهم لم يعتقدوا ان النهايه قريبه هكذا
كان الصغير يحتضر ولا امل فى الشفاء
كأنه كتب على الصغير المعاناه دائما"
اما العجوز كانت تجلس وتنتظرة ليالى طويله الا ان علمت انه لن يعد يوما"
حرمت منه ومن دقات بابها للابد
انتظرت الموت بعده . كفت عن الطعام والكلام
كانت تموت ببطئ فى حجرتها الخاويه ولا احد يشعر بها
فى احد الليالى التى قضتها العجوز تنتظرة فى الظلام
سمعت دق على الباب ظنت انها الخادمه
ولكن الخادمه لم تعتاد ان تدق الباب ثلاث دقات
الخادمه لا تفتح الباب الا عندما تأذن لها
الخادمه لاتملك جسدا" ضئيلا" كهذا وبالكاد تلمس يداها مقبض الباب
لم تصدق العجوز نفسها . كذبت عيناها
ايمكن ان يكون هو ؟؟؟
حفيدها الذى حرمت منه
اضاءت العجوز مفتاح النور
واندهشت عندما رأته
اندفعت نحو الصغير لتضمه بقوة كأنها تحميه من الموت . تخشى ان يأخذه منها ثانية
نطق الصغير لاول مرة
-جدتى افتقدتك
-وانا ايضا" لاتذهب ثانية" ارجوك
-لن استطيع يجب ان اذهب. هل تريدين الذهاب معى ؟
- الى اين؟؟
-الى الخيال . الى عالم الحكايات
-نعم
*اشتبكت يدا العجوز بالصغير وذهبا معا" الى حيث لايمكن الرجوع مرة اخرى
وفى الصباح حينما طرقت الخادمه بابها لم ترد عليها
فطرقته مرة اخرى ولم تجد اجابه
فتحت الباب بقوة وذعرت عندما وجدتها على سريرها لا تتحرك و لا تنطق
ماتت العجوز و على شفتيها ابتسامة رضا

رمضان

2009-09-11T12:54:00.000-07:00

استشعر قربه ببهجة نفض الاتربة المُغلفة لاكياس الزينة الموضوعة في خزانة في الشرفة . بأغنية منطلقة من فانوس جديد بألوان زاهية

الشارع نفسه يمتليء بشرائط الزينة المفضضة يتوسطه نموذج للكعبة مُعلق

بعزائم لا تُحصى للاهل و الاقار و الاصحاب

جاء رمضان و لم أنفض الاتربة من على اكياس الزينة . للدقة لم يكن هناك اكياس للزينة . فقط حبل مضيء يقولون انه اشيك مكتوب عليه صنع في الصين

لم ارى سوى تمثال قبيح الشكل لكرومبو يقولون انه فانوس و انه اشيك من القديم

اما شرائط الزينة المفضضة بعد دفع ثمنها لم ارى سوي شريطين فقط . و استقل الاطفال بباقي المبلغ الذي جمعوه

جاء رمضان و لم ارى بوجي و طمطم و لاول مرة افتقد وجودهم . لم ارى فوازير نيللي و شريهان رغم انني كنت لا اتابعها و لاول مرة افتقدها

جاء رمضان و مر منه اكثر من عشرين يوما" و لم اشعر ببهجته . جاء رمضان و لم اسمع وحوي يا وحوي

جاء رمضان و لم اشعر بوجوده الا عندما سمعت دقة مسحراتي في الثانية صباحا"

جريت لاراه لاكتشف ان المسحراتي لم يكن سوى مجموعة من الاطفال يتمازحون

اشياء تخصني

2009-09-02T14:50:00.000-07:00

ملء الكون اتساعه . كالقمر ليلة اكتماله . كالبحر في سكونه و جماله

يُزكرني ببهجة تملاني لحظة رؤيته .من قال لسنا في زمن المعجزات ؟. أليس هو معجزة كل يوم؟

من بين طيات و ثنيات الظلام يخرج . بجماله و عزوبته يشعرني بالامان و الاطمئنان . تحملني نسماته الى السماء الواسعة .

يُزكرني برداء مدرسي قصير . بفرحة تغمرني رغم الكسل و العيون الناعسة

يُزكرني بطابور الصباح و الاذاعة المدرسية رغم تذمري الشديد

أحبه

أصحو مبكرا" جدا لاراه . اقضي دقيقة في الفراش الدافيء لانفض غبار الكسل عن عيناي . ارتدي الزي المدرسي بسرعة . الحقيبة مُعدة من اليوم السابق . كالعادة انسى كيس الساندوتشات . اخطف الحقيبة و اهرول مسرعة . اختصر السلالم في ثلاث قفزات . اخرج مهللة ببهجة قدومه

. نفسا" طويلا يستقر في رئتاي أخرجه على مهل . في الربيع اعب شذى الورود العطر و في الشتاء استمتع بمشهد بخار الماء . أعب الهواء البارد داخل رئتاي غير مبالية بحساسية شدية لدي . ينتهي بي الامر بحرارة شديدة و نزلة شعبية حادة

أحبه

و في الاجازات اسهر في انتظاره . انظر في النتيجة المعلقة في البهو و اضبط ساعتي على ميعاده . أطوي الدقائق و الساعات في انتظاره . اسلي نفسي بالقراءة او التليفزيون و عندما يحين وقته . أجري افتح زجاج الشرفة و استمتع بمشاهدته . يضايقني دائما" مشهد البيوت التي تحجب عني رؤياه . أدعو الله بأن اسكن في اعلى طابق لاستمتع به

أكبر . أتخطى العشرون . اسكن في طابق اعلى . أنساه و انسى بهجته و فرحتي به . أنساه كأشياء اخرى تاهت من زاكرتي و اختفت . يصبح شيء عادي لا ابالي بوجوده . ينسى القلب الخفقان في وجوده . أسهر و لا انتظره . أخرج مبكرا" ليس لاجله

و مع الوقت أدعي باننا لسنا في زمن المعجزات !!!

عالشيزلونج

2009-08-19T13:01:00.000-07:00

بفكر بقالي كتير اكتب بوست زي دة

بس اتشجعت دلوقتي و قلت اكتبه لما لقيت من المهم هات من الآخر كاتباة زيه

قلت اتشجعي يا بت يا بووووو و اكتبيه

طبعا انا هقعد عالشيزلونج زي الافلام

..............................

رغن اني زي كل الناس بحب اتكلم عن نفسي كتير بس لحد دلوقتي مش بعرف اقدم نفسي بشكل كويس

من غير ما اكسف رغم اني اجتماعية قوي

ناس كتير بتشتغرب اني بتعرف عالناس بسرعة و بتصاحب بسرعة

بس اللي الناس متعرفوش ان معنديش اصحاب كتير

و ان اغلب اللي اعرفهم بيني و بينهم سدود انا اللي بحطها

............................

بحب المغنيين القدام

حليم فريد شادية صباح وردة

عبد المطلب .. مش دايما يعني

بسمع وردة كتير قوي و انا قاعدة عالنت

اغنية واحدة كل يوم

ليالينا ليالينا

بسمعها دلوقتي :)

راحت فين الناس الحلوة

ياترى الدنيا غدارة فعلا زي ما بتقول وردة ؟؟؟!!!!!!!

مش عارفة بجد

بحب كمان اغنية حلوين من يومنا

لسيد مكاوي

بترجعني للتسعينيات و لايام طفولتي

..........................

انا بتعلق بالناس بسرعة و اي حد عرفته مش بنساه بجد

بتضايق قوي لما ناس كنت عارفاهم و مبقتش اشوفهم و يوحشوني

طب اعمل ايه لو مش قادرة الاقيهم حتى

ببقى متضايقة جدا

مش عارفة اعمل ايه بجد

بحس بالحنين كتير قوي ليهم

و لاماكن روحتها و لاشياء ضاعت مني

حتى حاجاتي بتعلق بيها

ساعة موبايل هدوم

اوضتي مليانة كراكيب في الادراج و شنط في الدولاب كلها صور و قصاقيص و حاجات قديمة

كل الحاجات دي مقدرش اتخلى عنها

..........................

بحب البساطة قوي و اكره التعقيد

اصل الدنيا اصلا مش ناقصة تعقيد

يبقى ليه فيه ناس بتحب تعقد الامور ؟

ليه متبقاش كل حاجة بسيطة

ساعتها هتبقى الحياة سهلة قوي

و محدش هيشتكي

بس اقول ايه

مفيش فايدة

.......................

لحد وقت قريب كنت متضايقة اني بنت

طبعا لاني وسط اخين و على طول بقول اشمعنى

لكن من قريب حسيت اني كدة احسن

يعني مثلا اوقات لما يبقى فيه طابور زحمة او مواصلة زحمة

في اي مكان

تخيلوا بقى فيه ناس بيقوملي عشان اقعد

و ناس بتعديني في الطابور

مكنتش مصدقة بجد

كل دة بابتسامة شكر

وقتها اقتنعت ان انا كدة احسن

رغم اني دلوقتي محدش بيقوم و يقعدني

و لا حد بيعديني في الطابور

بس برضه كدة احسن

....................

اصحاب كتير غدروا بيا مش عارفة ليه؟

تقريبا شكلي فيه شيء يوحي بالعبط

و رغم كدة انا عمري ما اقول لحد لأ ابدا على مساعدة او خدمة

ساعات انا اللي بعرض عليهم الخدمة

دة اللي بيخليني في اوقات كتيرة ابقى شايلة مسؤلية اللي حواليا

دة برضه اللي بيخليني اشتاق لحد يشيل مسؤليتي

انا كمان . ما هو انا مش هفضل طول عمري كدة !!!!!!!!

....................

بحب اماكن كتيرة قوي ماتتعدش

في اسكندرية و اي مكان تاني بروحه

بس للاسف لما بروح الاماكن دي تاني بحس بالغربة

يمكن لاني حبيتها في ظروف تانية و مع ناس تانية

دة اللي بيخليني محاولش اروحها تاني

لانها الاحسن تبقى زكرى جميلة جوايا!!!!!!!!

....................

رغم اني بقول لاي حد اوعى تندم يوم

الا اني انا بندم على طول

بندم على حاجات عملتها

على كلمة قولتها

على حاجات معملتهاش

...................

بحب اكتب قصص عشان افضي دماغي

اصل انا دماغي بحس انها مليانة احداث و شخصيات

اول ما اكتبها عالورق بتتمسح خالص من دماغي

حاجة بتريحني كتير قوي

...................

انا مش بحب التسوق خالص

و ببقى متضايقة جدا لما بنزل اشتري حاجة

و دايما اشتري حاجات مش عاجباني لمجرد اني اشتري و اخلص

...................

انا بكره الجبنة جداااااااااااااااااا بكل انواعها طول حياتي و بحب الزبادي

و بشرب اللبن و ساعات كاكاو

انا لا اطيق ريحة البن و النسكافيه و كل مشتقاته

و اعشق الشاي بدرجة تخوف

و بحب اشربه كشري

انا مش بحب اكلات كتيرة جدا

و بكره الاكل كله في الصيف

..................

بحس دايما ان بعض الشيوخ في الفضائيات منافقين

بيبان عليهم دة و بحس بكدة كتير

رغم ان اغلب الناس بتحبهم و بيستنكروا كلامي دة

..................

رغم اني عندي 21 سنة و حتت

الا اني حاسة ان مشاعري لسة طفوليه

مع اني بفهم الناس بسرعة و بكشفهم كانهم متعريين قدامي

طبعا دة حصلي بعد بلاوي كتيرة من ناس كتير

مش بالساهل كدة

.................

كتير بيقولولي ان قلبي اسود عشان مش بنسى حاجة وحشة حصلتلي

و مش بسامح بسهولة

و كفاية كدة

الشيزلونج مش مريح للدرجة دي

مرحبا ايها الحزن

2009-08-14T08:55:00.000-07:00

حزن

اكتئاب

احباط

لا اعلم

فقط هو شعور بالأسى يتملكني و يسيطر على حواسي

تسلل الي بهدوء غريب دون ان اشعر داهمني

يصحبه شعور غريب بالوحدة

فجاة

تغيرت النظرة الوردية التي امتلكتها لفترة طويلة

حلت محلها نظرة كتيبة بائسة

تطل على واقع كئيب

لا

قلتها في البداية

لن استسلم

نعم

قلتها في النهاية

لن استطيع التغلب

عليه

و كما يقول الفرنسيين

مرحبا ايها الحزن

بين اليقظة و النعاس

2009-08-07T13:14:00.000-07:00

اكره شيئان . اولهما السفر . لن اقل انني احب الرحلات و اعشق السفر و التنقل مثلما يقول النجوم في البرامج ثقيلة الظل . لذا انا اعترف انني اكره السفر .. ثانيهما . السفر في سيارة و هذا ايضا له علاقة بالسفر . فاذا سمعت ان هناك سفر وشيك و هذا السفر بالسيارة . فانني اضع العراقيل و الحواجز التي تحول دون ذهابي .
و لكن تنتصر دائما الارادة العليا و اضطر الى الموافقة و السفر . عندما سمعت ان ميعاد المصيف اقترب اصاب بارتباك شديد و توتر . اتساءل دائما عن جدوى الذهاب الى مصيف اذا كنت اقطن بمدينة ساحلية يقصدها نصف سكان مصر للتصييف بها ؟ . لكن عندما فكرت في السفر للمصيف هذا العام حاولت اقناع نفسي بالفكرة و انتهزت الفرصة للتخلص من اكتئاب صار وشيكا .
بدات الرحلة فجرا برنة موبايل من العزيزة مروة جمعة فدعوت لها في سري .
حاولت النوم لانني لم انم في اليوم السابق . صوت عمرو دياب ينطلق من المسجل ..
مالك مش خلاص حبيت ناس بقيت معاهم . ليه بتسال ليه ليه عني من وراهم .
. الكل يتكلم و انا هناك اقبع في تلك النقطة الفاصلة بين اليقظة و النعاس ..
لا ارغب في سماع عمرو دياب .
فبحثت عن
mp3
فلم اجده فاكتفيت بتشغيله في عقلي على اغنية اعشقها لسيد مكاوي ..
حلوين من يومنا و الله و قلوبنا كويسة . و الكلمة الحلوة دايما بتجمع شملنا
اذهب للاوعي لفترة و اقترب من النعاس فيعيدني صوت ينادي باسمي . افتح عيني بكسل
فاجد ماما تقول : شايفة يا هبة القمر لسة في السما . شايفة ناقصة حتة ازاي
اطيل النظر الى القمر و احاول العودة للنعاس . فاسمع اسمي ثانية
التفت لاجد ماما تقول : شايفة يا هبة قرص الشمس الاحمر و هو لسة بيطلع
انظر اليه بلا اكتراث و احاول العودة للنعاس فلا استطيع . ينطلق صوت حماقي من المسجل .
. و لا بتعب و لا بزهق دة مبدا و احلف لو مش مصدق كبيرك يومين
فادندن باغنية اعشقها لشادية
يا حمام حمام طير قابله قوام يا حمام . خليله يا حمام الشمس حرير يا حمام
احاول العودة للنعاس مرة اخرى فلا استطيع . فانشغل بالطريق . اضع نقطة بعيدة امام ناظري و عندما اصل اليها اضع اخرى . انشغل باسلاك الضغط العالي المارة بين البيوت المتجاورة تتلصص عليها دون استئذان المح لافتة " مستشفى العلمين " فاتذكر الباسلة مروة عامر فادعو لها - بالمرة - د
المح استراحة العلمين فاذكر اصدقاء احببتهم و العاب لعبناها سويا لنتغلب على ملل الرحلات العلمية .
يعلو الطريق و ينخفض فاتذكر شيء من علم الجيولوجيا التي ظننت انني دفنتها مع باقي العلوم . سبعة ارتفاعات و انخفاضات متتالية بعد العلمين و هي تكوينات بحر متوسط
.. بعدها فوجئنا بالضباب الذي غلفنا فلم نرى من حولنا شيئا . ضباب كثيف جعل بابا يهديء السرعة الى ان اقتربت من سرعة السلحفاه . تنقشع الغيوم و يصير الطريق اكثر وضوحا و يعودوا الى مناقشة حول محطات الطاقة النووية
اتشاغل بالطريق . يترامى الى اذني خلافا حول تامر حسني و عمرو دياب .. ادندن باغنية احبها ..
افضل امني الروح برضاه القاه جافاني و زاد حرماني و زاد حرماني . كان افتكرني عشان ينساني اه عشان ينساني
المح لافتة " مزلقان فوكة " و عبارات . يا ساتر يا رب .من حولي
فاكرين الحادثة بتاعة السنة اللي فاتت . تتردد الجملة كثيرا من حولي
اتذكر حادث مروع . تتوالى على عيناي صورا حقيقية للحادث . اسفلت بلون الدماء . قطار منفصل عن القضيب و مائل على احد جانبيه . اتوبيس مهشم و عربات صنعت كيانا غير مميز كعجينة من حديد مختلط بالدماء و الاشلاء . ملابس ملقاة و عوامات اطفال . و انا اوقعني حظي العاثر في وسط هذا المشهد . احاول ان اتناسى و انشغل بالطريق فالمح بعض آثار مازالت موجودة للحادث . فادعو بالرحمة للضحايا
اتحايل على النعاس او اليقظة . اتمنى ان ياتيني احدهم و لكن كلاهم ابى ان يشفق علي و ياتيني و لو لحظة . قرر بابا الاستراحة بجوار شجرة خروع كبيرة . فاتذكر شيء من علوم النبات التي ظننت انني دفنتها مع باقي العلوم . شيء عن بذور الخروع اعتقد انها كانت بذور منشقة . ابتسمت لتذكري هذه المعلومة رغم انني لم اذكرها في اي اختبار
بعد برهة وصلنا اخيرا لمقصدنا . و بمجرد ان رايت السرير رحت في سبات عميق لمدة طويلة . و الان و انا على بعد 350 كيلومتر من الديار على شاطيء البحر احاول الاغتسال من بقايا اكتئاب و هموم مازالت عالقة براسي

...................................

مقال قديم شوية كنت مكسلة اكتبه و الصورة اللي فوق انا اللي صورتها

كل سنة و المدونة طيبة

2009-08-02T06:44:00.000-07:00

النهاردة المدونة بقى عندها سنة بحالها السنة دي تعتبر تاريخ اولى محاولاتي الجادة في الكتابة . السنة دي انا حققت فيها حاجات بالنسبة لي كانت كبيرة قوي

اولها فوزي بالمركز الاول في مسابقة مصر بتكتب ايه بقصة بعنوان لقاء

رابط الخبر

http://egyptwrite.com/w/viewtopic.php?f=27&t=684

تانيها كانت نشر قصتين ليا في موقع بص و طل

الاولى

http://www.boswtol.com/aldiwan/ndonia_259_093.html

الثانية

http://www.boswtol.com/aldiwan/ndonia_259_091.html

تالتها

نشر موضوع ليا في بص و طل في قصاقيص

http://www.boswtol.com/aldiwan/nkasakees_259_03.html

رابعها و دة اهم حاجة بالنسبة لي

اني و بعد عدة محاولات كتيرة قربت اوصل للشكل اللي اتمنى اكون عليه في كتابة القصة و دي حاجة كانت تهمني جدا

و ان شاء الله قريب هحط اولى محاولاتي القصصية في الشكل دة

بشكر كل اللي علق عندي من كريم و فاطمة و احمد و لاسع ناس كتير كمان قرت و اهتمت باللي بكتبه

كمان يمكن اللي كان متابع المدونة من اولها كان يلاحظ اني كنت تقريبا كل شهر بكتب حوالي 3 موضوعات و كنت بحرص عالرقم دة لكن للاسف لقيت بعد كدة انه مش هينفع مش لاني مش بكتب كتير لكن انا فيه جملة بحبها قوي للدكتور احمد خالد توفيق و يقصد بيها الكتاب عامة بتقول : ان يقال لماذا لا يكتب افضل من ان يقال لماذا يكتب

كفاية كدة عليكم

و يارب الكل يبقى بخير

سلامات

تحذير هام : محدش ياكل من التورتة اللي فوق دي عشان انا مأجراها

" ليلة واحدة ...بس " تقضيها في جولة بين شخوص مشوهة

2009-07-08T14:28:00.000-07:00

في نظريته للتحليل النفسي قسم فرويد الشخصية الى ثلاث اقسام رئيسية اولها . الهو : وهو الدوافع و الغرائز البيولوجية و يعمل الهو وفقا" لمبدا المتعة الذي يتطلب اشباع فوري لحاجاته . اما القسم الثاني و هو الانا : هو الجزء العاقل من الشخصية و يتخذ القرارات لاشباع رغبات الهو . اما القسم الثالث هو الانا الاعلى : و هي تمثل الجانب الاخلاقي في الشخصية

رواية " ليلة واحدة بس " لاسلام مصباح هي اقرب لمتوالية قصصية او البورتريهات الشخصية التي اجاد كاتبها رسمها . احداث الرواية تبدأ عصر ليلة رأس السنة وتنتهي في منتصف الليل، . يأخذنا الكاتب في جولة بين شخوص مشوهة يغيب عنها وجود الانا الاعلى و تتغلب الهو على الانا بسبب الادمان احيانا و الرغبة الشديدة احيانا اخرى فتصبح الشخصية كتلة متحركة من الرغبات التي تريد اشباعا فوريا دون النظر لاي اعتبارات اخرى

بدا الكاتب روايته بشخصية " سامح " المدمن تلتها " الخالة زينب " المريضة بالذهان . و بعدها " حنان " التي تنتظر فتى الاحلام الذي لايجيء . تحتاج حنان ان تشبع احتياجها للجنس و لو لليلة واحدة فقط . ومن حنان الى " شوقي غيبوبة " و منه الى " يعقوب خليفة " الذي يعتبر نفسه كبير الآلهة و المحرك الخلفي للاحداث و صانع القرارات بنفوذه الشديد

و هكذا تتوالى الشخصيات في تسلسل منطقي شبيه بحبات العقد . كل حبة تلي الاخرى . الى ان نصل الى " اسامة " الحالم و رحلة بحثه عن اخيه " طارق " .

بدأ الكاتب روايته ببناء درامي متماسك و خيوط رفيعة تصل بين الشخصيات و انتقل الكاتب من شخصية الى اخرى ببراعة الى ان وصل الى شخصية " اسامة " . بدا البناء يهتز من الكاتب فهو حاول اقحام المزيد من الشخصيات التي لا توازي قوة باقي الشخصيات فلم يكن وجودها مؤثرا و قويا كما انها لا تمت بصلة كبيرة للشخصيات التي بنى الكاتب روايته عليها . ف"ربيع " و " سمير " و غيرهم . شخصيات عادية لذلك لم يضيف وجودها الكثير للرواية . و بعد عدة شخصيات يعود الكاتب مرة اخرى الى بناؤه الدرامي المحكم

فيبدا ب"مينا" الشاب الخجول الذي يستغله صديقه " خالد" في احدى نزواته . ثم يليه " سامح " الذي بدا به احداث الرواية و نلتقي بحنان مرة اخرى .

اما النهاية فالكاتب وضع النهاية بحيث تلائم جميع الشخصيات التي عرضها . و اعتقد ان النهاية جاءت مناسبة تماما للشخوص الصادمة المشوهة التي عرضها اسلام مصباح

بعض اجزاء من الرواية جاءت بصيغة التقرير كعرض الكاتب لتاريخ النيل و لفظ بلطجي و الفرق بين نوعي الشواذ و استفاض الكاتب في الحديث عنها و اعتقد ان هذه الاجزاء لم تضيف شيئا للرواية بل اثرت على تماسك و اتصال الشخصيات ببعضها البعض . و لكن يبقى للكاتب حرية اختياره لاسلوبه . في النهاية اعتقد ان رواية " ليلة واحدة ..بس " سوف تمنحك بضع ساعات من المتعة و جولة ممتعة بين شخوص غريبة مشوهة

مع نفسي شوية

2009-06-12T22:43:00.000-07:00

اثناء تقليبي في محتويات المدونة . وجدت اشياء كثيرة قصص مقالات . رغم انني من كتبها الا انني لم اجد فيها شيئا من نفسي . لذا اكتب هذا الموضوع عن نفسي لانها مدونتي في الاساس ز هذا الموضوع لا يعد عمل ادبي و لا يصنف تحت اي نوع من انواع الادب . هو فقط كلام من القلب

**************************

كلام

جوايا كلام كتير عايزة اقوله .... اقوله و لا مش هقوله .... طب اقوله ليه و عشان ايه .... وهيحصل ايه لو مش هقوله ...اقعد بالساعات افكر اقوله و لا مش هقوله ... فجاة... القى الوقت فات و عدى عليا من غير ما اقوله ...ما هو كتر التفكير ساعات بيكون غلط .... انما قلته هي اكبر غلط

**************************

اخوات

كنا اخوات ... احباب ... شقايق ... ايد واحدة في طبق واحد .... حتى النوم على سرير واحد ... ايه اللي حصل و افترقنا ليه؟ .... واحد شرق وواحد غرب ... وواحد منعرفش عنه حاجة ... ما هي الدنيا دي سوق كبير ... ولازم هييجي يوم فيه راح نفارق ... ولا يمكن نتقابل تاني !

**************************

بحبك

قلتها كتير في الحلم... مش في الحقيقة ... بحبك .. سمعتها كتير ... في الحلم ... في الحقيقة سمعتها مرة ... بس ساعتها اتمنيت اني عمري ما اسمعها ... عشان خرجت من اخر واحد كان ممكن افكر فيه !

**************************

الحب

بحب الحب الهادي البطيء ... بحب الحب لما يمشي على اطراف رجليه ... يخبط باب قلبك بشويش ... وتفتح انت ... من غير ماتعرفه ... ويبدا يتسلل و يسكن قلبك .. تمليك مش ايجار جديد ... ساعتها بس هتعرف انك بتحب و لا يمكن تستغنى عن حبيبك ... وساعتها بس هتعرف معنى التضحية و هتستلذ طعمها !

**************************

النصيب

سلسلة من المصادفات ... مش ممكن تقدر تربط بينها و لا تحس بيها ... بس هي اللي هتتحكم في حياتك ... وتحددلك كل حاجة ... بمزاجك او غصب عنك ... كل اللي عليك انك تعمله ... اعمل اللي عليك ... ولا تقصرش وسيب نفسك لنصيبك ... هو لوحده اللي عارف مصلحتك فين !

**************************

حلم

كان فيه حلم .. حلمته كتير قوي ... الحلم كان فيه واحدة ... وكانت مجنونة و انا كنت دكتورة ...مسكتني من رقبتي و بدات تضغط ... مع الوقت ابتدا وعيي يتسر سب ... كنت بتخنق بجد ... ومت في الحلم ... لما كبرت كان نفسي اطلع دكتورة ... ولما معرفتش ... حمدت ربنا ... يمكن لو كنت دكتورة كان زمان مريض موتني !

مرة حلمت برصاصة ... كانت داخلة صدري ... غريب اني حسيت بيها فعلا ... كانها بتدخل ... ولما صحيت مالقيتش حاجة غريبة ... زي ما نمت زي ما صحيت ... و لا فيه حلم و لا فيه رصاصة

**************************

نفسي

ساعات بحس اني بظلم نفسي ... مبفكرش فيها الا قليل ...جوا دماغي حاجات كتيرة قوي ... شخصيات ... افكار ... صراعات ... لكن نفسي مالهاش نصيب في كل دة ... نفسي اهتم بيها اكتر من كدة شوية ... افكر فيها هي و بس ... مش في بافي الشخصيات الموجودة في خيالي

... وعلى الورق بس !

**************************

زواج

نفسي اتجوز بصراحة ... بس مش عشان كل الاسباب اللي تقولها البنات ... ولا حتى عشان الاسباب بتاعة كتاب عايزة اتجوز ... نفسي اتجوز لاني نفسي احس اني مش لوحدي ... رغم اني عندي اخوات و اصحاب كتير ... لكن شعور الوحدة دة مش قادرة اتغلب عليه .... كمان حاسة اني فيه حاجة كبيرة قوي ناقصاني .. مش عارفة ايه هي ؟ ... رغم اني لو اتجوزت فيه احتمال كبير ان جوازي يفشل .... او تكون حياتي مليانة مشاكل ... بس انا شايفة انه مش مهم ... اعتقد ان الصورة الصح هي راجل و ست واحدة مش ستة ... ربنا خلقنا كدة و خلق كل الكائنات كدة ... اسالوني انا دارسة بيولوجي 5 سنين ...غريبة انه فيه ناس بتقول انها عازة و كدة كويسة ... بس انا مش من الناس دي ... بس اكيد انا مش هتجوز اي واحد و خلاص !

***************************

اكل

بحب استطعم الاكل كويس ... بحب الشيكولاتة ... بحس و انا بكلها ... اني بنت عندها 10 سنين ...بحب الاحساس دة قوي ....الطبيعي ان الناس كلها بتاكل الحادق الاول و بدها تحلي ... انا باكل الحلو الاول و بعدها احدق ... مش عارفة ليه انا بعمل كدة ... بس بحب طعم الملح قوي اكتر من السكر !

***************************

صلاة

قعدت فترة طويلة مش عارفة انتظم في الصلاة ... حاولت بس مقدرتش ... و في مرة كنت عند صاحبتي ... لما الاذان اذن ... راحت تصلي ..و بعدها قالتلي مش بتصلي ليه ؟ ... مرديتش ... بس من ساعتها انتظمت في الصلاة .... كاني كنت مسنية السؤال دة !

***************************

اسكندرية

مش عارفة ان كنت بحبها و لا لأ ... يمكن لو بعدت عنها شوية هشتاقلها ... حتى البحر ... ناس كتيرة بتقولي يا بختك انك عندكوا بحر .. زمان و انا صغيرة ... كنت فاكرة ان الدنيا دي شريط طويل ... شريط على بحر كبير ... لما كبرت شوية ... استغربت ان فيه دول و اماكن كتيرة معندهاش بحر... ساعتها مصدقتش ... و لحد دلوقتي مستغربة ... يعني ايه معندهمش بحر !

***************************

اصحاب

عندي اصحاب كتير قوي ... بس اللي يعرفني منهم بجد ... و اللي يفهمني منهم بجد ... قليلين قوي ... واحدة ... اتنين ... تلاتة ....

بس كتير بيقولولي اني غامضة و ساعات مغرورة ... بزعل لما حد يقولي كدة ... و بقوله يسال صحابي بجد انا مين؟ ... و يا ترى استحق انك تعرفني و لا لأ؟

***************************

انتظار

ليست حياتي سوى مزيج من الترقب السخيف ... والانتظار الممل ... لشيء لا اعلمه ... لشخص لا اعرفه ... لكن كل ما اعرفه ان ما انتظره سوف يغير حياتي كلها ... للافضل احيانا و احيانا للاسوا

رغم اني بكره الانتظار ... بس اكيد بحبه ... و حب الانتظار لشيء واحد ... لانه بيدينا سبب ... سبب واحد للبقاء احياء .... عشان كدة بحب المسلسلات ... عشان انتظر الحلقة الجاية ... ويبقى كدة انا عندي حاجة مستنياها !

***************************

اماكن

بميز الاماكن ... مش باسمها ... و لا بصورتها ... انما بريحتها ... كل مكان عندي ... له ريحة .. اي ريحة ... بس لما بشمها بفتكر لمكان على طول ... حتى الاماكن القديمة بفتكر ريحتها ... زي مدرستي الابتدائية ليها ريحة ... مش فاكرة كانت ريحة ايه جواها ... بس لما بشم الريحة دي بفتكر زكرياتها كلها ... كاني موجودة فيها فعلا !

***************************

قديم

بحب الحاجات القديمة قوي ... كتب قاديمة ورقها اصفر ريحته قديمة ... اغنية قديمة بطيئة ... بتتغنى بروقان ... مش كان حد بيجري ورا المغني ... فيلم قديم ابيض و اسود ... الناس فيه قديمة ...تسريحة الشعر المموجة ... فساتين منفوشة ... و الميني جيب ... و طربوش احمر ...و بدلة سوداء ... بشعر على جنب او فرق من النص ...عندي شوية كتب قديمة و جرايد قديمة على شوية بلوزات راحت موضتهم من التسعينيات و جيبة قصيرة منفوشة من التسعينيات برضه ... شايلاهم في الدولاب و كل شوية بطمن عليهم ... كانهم كنزي

اما الكتب مش بديها لحد خالص اصلها لو ضاعت هزعل عليها قوي !

***************************

سخرية

اي حد بيعرفني يقولي اني لايق عليا اني اكتب ساخر ... يمكن عشان بحب الضحك و الهزار قوي ... بس مش عارفة ليه كل ما امسك القلم ... بحس اني جد قوي و كئيبة قوي ... اكيد كل دة في عقلي الباطن !

***************************

زميلة !

2009-05-05T11:54:00.000-07:00

في صالة الفندق الكبير استقرت على احدى المناضد بجوار زبون جديد
زبون هذه الليلة عجوز متصاب ثرثار . تحاول ان تصبر على حماقته و احاديثه المملة و نظراته التي تخترق ثيابها العارية متحولة الى سهام نارية تحرق جسدها
تحاول ان تجبر نفسها على تحمله فهو سوف يدفع الكثير
هي شابة في منتصف العشرينيات تملك قدرا لا باس به من الجمال
هي فتاة ممن تمتلئ بهم الشوارع و الصالات و الحانات
....تحاول ان تشيح ببصرها عن هذا الزبون الممل ...من حولها تتعالى الاصوات و الضحكات ...يغمر المكان نغمات الموسيسقى ابلمترامية من بيانو في ركن بعيد
يتعالى اكثر صوت الكؤوس التي تفور و تمتليء و تفرغ و صوت الزبون الذي يحاول ان يسرق اهتمامها
جذب انتباهها رواد منضدة مجاورة
رجل في الثلاثين و شابة تصغره بعدة سنوات يتبادلان نظرات حب عميقة
تشعر لوهلة انها رات الفتاة من قبل و لكنها لا تزكر اين و متى
تركز ببصرها اكثر و تتناسى الجالس بجوارها
يحتضن الرجل يد الفتاة بيديه القويتين ثم يهمس فس اذنها فتتعالى ضحكاتها العذبه....يتحسس شعرها الطويل المنسدل على كتفيها فتبعد يداه في رقة و تتورد وجنتاها بحمرة الخجل و تملا السعادة عينيها
يعلو صوت الموسيقى من حولهم بلحن هاديء عذب فتخلو بعض المناضد من روادها لتمتليء بهم ساحة الرقص فيقوما للرقص و لاقتطاف بعض متع الحياة في شبابهما
و كانهما وحدهما في ساحة الرقص فيطيرا مع السحاب و يرتفعها فوق مستوى البشر ..كان السعادة قد صنعت حولهما هالة يصعب اختراقها
يضمها بين زراعيه برقة و يحتويها داخله ثم يحتضن يديها الضغيرتين بين يديه فتستند هي على اكتافه العريضة ..المشاهد لهما من بعيد يعتقد انهما شخص واحد يرقص
افاقت على صوت الجالس بجوارها يدعوها للرقص فترفض بشدة وتكمل متابعة مشهد الحب الجميل الدافيء امامها
هي التي لم تؤمن بوجود الحب طوال حياتها امنت به و شعرت به يطوقها في هذه اللحظة
بعد فترة من الوقت يتغير اللحن الهاديء الى موسيقى صاخبة فيعودا الى منضدتهما و يهما بالخروج
لم تشعر بنفسها و هي تخرج خلفهم دون ان تلبي نداآت زبون الليلة
و امام باب الفندق الكبير وقفا يتبادلان بعض القبل ثم اخرج الرجل من محفظته مبلغ مالي و اعطاه للفتاة بعهدما طبع قبلة على وجنتها....ترامى الى اذنها بعض كلمات للفتاة و هي تحتضن المبلغ بيديها
" انا في خدمتك دائما "
يرد الرجل عليها و هو يركب سيارته
" عندما اريدك سوف اتصل بك"
يسرع الرجل بسيارته ثم تدلف الفتاة داخل الفندق مرة اخرى لتتصيد زبون جديد
اما هي فالصدمة جمدتها و افقدتها القدرة على الوقوف فسقطت و هي تشعر بشيء يجثم على انفاسها و يخنقها و يدعوها للبكاء
فبكت و هي تردد
"كانت زميلة مهنة واحدة !"
ثم عادت تلحق بزبون الليلة

محاولات عابثة

2009-04-25T09:46:00.000-07:00

كان يفترش سريرا" من المعدن مستلقي فوق ظهره .بشرته شاحبة لدرجة جعلتني لا أصدق انه نجا من الموت

انا لا اعلم لماذا و افقت على طلبه و زرته
نعم انا كنت احبه و كنا على وشك الزواج .لكن انا لم اعد احبه الآن و هو ايضا" يعلم ذلك
بصعوبة تكلم
- افتقدتك
-لماذا طلبت رؤيتي؟
اغمض عينيه فترة ثم عاد يكمل حديثه بوهن
- لقد فعلتها عمدا"
- تقصد انك حاولت الانتحار
-نعم
- انت مجنون
-انا لم اكن اريد سوى ان اعلم
**********
جلست على الشاطىء في مواجهة البحر افكر في كلامه
اقول لنفسي
-ماذا يحدث اذا فعلتها؟
ثم اعود لاقول ان هذا جنون و لن افعل ذلك
كان الشاطيء مزدحم بالناس
تقدمت نحو البحر لاستمتع بالمياه قليلا .واصلت السباحة حتى تخطيت جموع الناس لاحظى بالهدوء
نظرت نحو الافق و عاد كلامه يطغي على تفكيري و يتكرر كثيرا" .خارت كل قواي لمقاومته
كان يعلم انني سوف احاول
كان يعلم ان فضولي سيغلبني
مضيت اكثر نحو الافق .نحو الخط الفاصل بين الحياة و الموت
بين السلامة و الغرق
حتى تخطيته.تحسست الارض بقدمي فلم اجدها
ازداد اضطرابي و حاولت التشبث بالماء او اي شيء حولي
احاول ان اخرج صرخت باعلى صوتي و لم يسمعني احد.شعور بالرعب تملكني
محاولاتي للنجاة زادت فرص الموت
انا لا اعلم ماذا حدث .استطيع ان اسبح بسهولة و لكني حاولت فلم استطع كانني لم اسبح ابدا"
شعرت بجسمي ينجذب للاسفل .شعور بالاستسلام غمرني و بدات اشعر بالهدوء
كانني لا اريد الحياة . استلذت هذا الشعور لم احاول ان اقاومه .كنت انشد السكون و الحرية و شعرت انني اقترب منهما
فجاة سمعت صرخات و اياد تحملني ثم هناك من يلقي بي على الارض
اريد ان اصرخ فيهم اتركوني فلا يخرج صوتي
**********
عاد يقول في جدية
-ما رايك؟
اتسعت عيناي من فرط الدهشة.انه مجنون ما الذي يقوله ؟
نعم نعم هو مجنون
صرخت فيه
-انت مجنون
-ارجوك انتي لا تفهمي شيئا"
-تطلب مني الانتحار و تتهمني بعدم الفهم
-انا لا اطلب الانتحار سوف تحاولي فقط و ساكون بجوارك لانقذك
.انا اريد ان اعرف فقط و اذا لا تريدي المحاولة
.سوف احاول انا و تظلين بجواري
-لن افعل شيئا
. ابحث عن مجنون مثلك
.انا لا اريد ان اراك ثانية
انصرفت تاركة اياه يصيح و ينادي
كيف احببته يوما
انه مجنون
**********
واصل كلامه رغم الوهن الشديد الذي بدا عليه
-اتريدين ان تعرفي بماذا شعرت
-انا لا اريد ان اعرف شيئا"
سالني و انا اهم بالمغادرة
-هل تعنين انك لم تحاولي؟
التفت اليه و انا على باب الغرفة ذات رائحة التعقيم النفاذة
قلتها وانا اتحاشى النظر الى عينيه لانني اعلم انه سوف يفهم
-لا لم احاول

الرباعيات القريبة الى قلبي

2009-04-17T12:23:00.000-07:00

مرغم عليك يا صبح مغصوب يا ليل
لادخلتها برجليه ولا كان لى ميل
شايلنى شيل دخلت انا فى الحياه
و بكره هخرج منها شايلنى شيل
عجبى

دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت ترفض تموت
عجبى

انا شاب لاكن عمرى ولا الف عام
وحيد ولاكن بين ضلوعى زحام
خايف ولاكن خوفى منى انا
اخرص ولاكن قلبى مليان كلام
عجبى

يا طير يا عالي في السما طظ فيك
ما تفتكرشي ربنا مصطفيك
برضك بتاكل دود و للطين تعود
تمص فيه يا حلو و يمص فيك
عجبى

يا عندليب متخفش من غنوتك
قول شكوتك و احكى على بلوتك
الغنوه مش هتموتك
انما كتم الغنا هوه اللى هيموتك
عجبى

ياللي انت بيتك قش مفروش بريش
تقوي عليه الريح يصبح ما فيش
عجبي عليك حواليك مخالب كبار
و مالكش غير منقار و قادر تعيش
عجبى

غمض عينيك و ارقص بخفة خفه و دلع
الدنيا هيه هيه الشابة و انت انت الجدع
تشوف رشاقة خطوتك تعبدك
لكن انت لو بصيت لرجليك تـقع
عجبى

عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
ده اللى ميتكلمش يا كتر همه
عجبى

ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدى بحر آلاقي غيره اتحفر
عجبى

حبيت لكن حب من غير حنان
وصاحبت لـكن صحبه مـالهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى

ورا كل شباك آلف عين مفتوحين
وانا وانت ماشيين يا غرامي الحزين
لو التصقنا نموت بضربة حجر
ولو افترقنا نموت متحصرين
عجبى

أنا قلبى كان شخشيخة أصبح جرس
جلجلت به صحيوا الخدم والجرس
أنا المهرج قمتو ليه خفتو ليه
لا فى إيدى سيف ولا تحت منى فرس
عجبى

ياللي نصحت الناس بشرب النبيت
مع بنت حلوه وعود وضحك وحديت
مش كنت تنصحهم منين يكسبوا
تمن ده كله و الا يمكن نسيت
عجبى

عجبى عليك عجبى عليك يا زمن
يا ابو البدع يا مبكى عينى دمن
ازاى انا اختار لروحى طريق
و انا اللى داخل فى الحياه مرغم
عجبى

فى كل قلب حكاية (بورتيريهات لأحمد الفخراتى)

2009-04-05T07:25:00.000-07:00

فى كل قلب حكايه كان عنوان الباب الاسبوعى الذى يكتبه احمد الفخرانى فى صفحة المجتمع بجريدة البديل
بورتريه لشخصيات عاديه وهامشيه ولكنها حقيقيه وتشبهنا
يكشف احمد الفخرانى عن جوهرها الانسانى ..عن اوجاعها و احزانها و احلامها . قدم احمد الفخرانى الشخصيات بلا اقنعه وبدون حياد وكان يبدو كمدافع عن احلامهم البسيطه و اخطاؤهم
* ثلاثه عشر شخصيه مختلفه من ضمنها شخصيه الكاتب نفسه و رغم الفصل بين الشخصيات الا ان هناك خيوط رفيعه تكاد لا ترها تربط بينهما بنسيج محكم رقيق وشفاف من الصعب ان تنتبه له
من الشخصيات من كان يحمل بداخله قلب طفل مثل بشير طالب الطب الريفى الذى كانت ابسط احلامه بالطو الدكتور ورائحه المرض وغابت عنه برائته وقلب الطفل بداخله تحول
"ابسط حقوقى انى محزنش لكن كان من حقى انى اطوى الدنيا الواسعه فى قلبى"
ومن الشخصيات علاء الذى ما زال يحمل قلب طفل برىء يصدق كل الناس يصدق السلف وينضم لهم ويصدق اصحاب السوء وينضم لهم هر ب علا ء من الدنيا ووجد نفسه فى الالعاب الالكترونيه ومحادثات الانترنت لكى يتخلص من ثقل جسمه

" طز دى الكلمه الوحيدة اللى تستاهل انى اصدقها .. لو وصفتها يمكن الدنيا تصدق انى اجمل امير فى الحدوته"

ويجمع الكاتب بين بعض الشخصيات المتناقضه مثل بشير و رمضان فكلاهما ريفيان وانتقلا الى القاهرة ولكن بشير سقط فى الهاويه وتعلم السرقه واشياء اخرى . اما رمضان فرغم احتياجه للمال وتعرضه للظلم ممن حوله الا انه لم يستطع ان يتنازل عن شرفه وشهامه ابن البلد التى ما زال يحملها

"انتوا ازاى بتعرفوا تزوقوا الحرام اوى كدة هنا وتخلوه شيك ويبان حلال"

هناك ايضا بين الشخصيات رجب وعبده الصعيديان
الاول هاجر من بلدة ليعمل فى القاهرة اما الاخر كان كل همه ان يخفى ضعفه عن الناس رغم دراسته الحقوق
"فين يوجعنى!؟ دة اللى قعدت عمر بحاله اداريه عن الناس"

وفى حياة كلاهما قصه حب الاول كانت قصته بدون كلام وحينما تكلمت اخبرته بنهايتها وهو لم يفعل شىء

"كان اسمها له رائحه الفاكهه ونظراتها تخش جسمى زى العسل ما ينزل على الصدر يجليه"

ورغم انه قضى اكثر من 11 سنه فى القاهرة الا انه ما زال مرتبط باهل بلدة
وهذا ما يربط ايضا بين رجب وعبدة فكلاهما يعودان الى بلدهما ومرتبطان بها وكلاهما اجهضت قصه حبهما فالثانى عرفها اثناء دراسته واحبها ولكنها فجأة تزوجت اخروبعدها تحول من عاشق لافه
"مكنتش حقيقى وكنت عارف لكن الكذبه كانت بتريحنى"

وايضا جمع الكاتب بين شخصيتان متناقضان مثل عبير وضحى
ضحى التى اعطت لجسمها حريه وتركته يتذوق ويستمتع ويجرب وبعد سنوات الفساد التى قضتها استيقظت على صوت وحدتهاحتى اصبحت تعرض الزواج على الذين تمنوها سابقا
" حزنى مش ابيض انا عارفه... دايما طعمة ملفوف بغيامات سودة عارف ليه؟ علشان دايما حاسه انى شايله ذنب"

اما عبير الموهوبه فى التمثيل التى تتمنى ان تحظى بادوار افضل من الكومبارس على الرغم من انها افنت سنوات طويله فيه وهى ايضا تخطت الثلاثون بدون زواج الا انهما لم تستسلم ابدا

"مع انى جعانه بجد لكن عمرى ما استسلمت .. كأنى جمل مع انى خف الريشه"

اما على فاشترك معهم فى الحب من طرف واحد ولكنه توقف حياته بسببها اما حبيبته سلمى فاستغلت حبه فى التفوق على اختها

"كان اسمها سلمى .. الحاجه الوحيدة اللى ملكتها بجد من الحدوته دى هو اسمها "

عبود ايضا هرب من منزله مثل رمضان ولكنه على النقيض فهو تعلم ان ياخذ حقه بالقوة وجسمه القليل جعله يبحث دائما على سلاح يصد به الاخرين

"بالعقل مش بالدراع .. بلسعه العقرب مش بقبضه الايد باخذ حقى"

وهو ايضا طلق والدة مثل رمضان
نجد ايضا ان اغلب الشخصيات لديها موهبه ما
رمضان كان ماهرا فى لعب كرة القدم ولم يقتنع مدربه بقدراته اما عبدة فكان يكتب شعر بالعاميه واصبح وسط اصدقائه شاعر كبير بسبب قصه حب وعبير كانت موهوبه فى التمثيل وتملك صوتا جميلا ولم تاخذ فرصتها ومحمود كان يملك صوتا يعتبرة جميل
"صوتى شبه وشى شايل قمر دبلان"

وبعض الشخصيات يربط بينها الكذب فعبدة الصعيدى عندما كان يرجع للصعيد كان يحكي حكايات كاذبه عنه وعن بطولاته مثله مثل محمود
اما فارس فشكله واناقه ووسامته كانت تختلف كلية على حقيقته فاجبرة شكله دائما على الكذب بالرغم من انه يحمل فى جيبه اقل من 3 جنيه و هو لاياكل اى اكل ولا يشرب اى سجائر وهو يعاني من الانفصال ينظر فى المرآة ويسال نفسه
"انا ابقى مين برنس ولا نصاب؟"

تتشابه ايضا بعض الشخصيات في علاقتها بالله فهى تختلف بين الشد والجذب . بين الندم ونسيانه
مثل جمعه الحزين وبشير وعبدة وعلاء فالبعض منهم
انضم للجماعات الاسلاميه والسلف ولكنهم سرعان مايعودوا الى حياتهم الاولى ثانيه
وشخصيه المؤلف نفسه تشترك معهم فى ذلك وهو استعرضها فى النهايه ليؤكد رغم اننا نختلف ظاهريا عن بعض الا ان الجوهر متشابه والهموم متشابهه واحيانا واحدة وبين تذبذبهم بين حال واخر وعلاقتهم بالشيطان وبعدهم احيانا وقربهم من الله
"الله فى المساله ... الله هو المساله .. فى كل شىء كان ويكن اصل كل شىء ومردة"

اشعرني احمد الفخرنى بالازدحام من حولى رغم وحدتى وانا اقرا كتابه فهو خلق جو من الصخب حولى وكأن كل شخصيه تحاورنى وتطلب مني ان انتبه لها باسلوبها الجميل والبسيط ايضا في عرض مشاكلها الا انه يحمل لمحه من حزن ممتزج بالامل والندم على ما فات
وعلى الرغم من اننى لا افضل استخدام اللغه العاميه الا ان الكاتب استخدم العاميه بطريقه شعريه ليسطر كل شخصيه بقصيدة جميله وناعمه فبرع باستخدام العاميه وارتقى بها كل ذلك ببساطة شديدة دون تعقيد ايضا

صورة

2009-03-29T09:52:00.000-07:00

صورة اخرى يا حبيبي تجمعنا سويا"

وجدتها و انا اقلب في خطاباتي القديمة و هداياك التي رفضت انا تاخها عند الفراق

اخبرتني انك تحب ان يكون لدي جزء منك

لماذا لم تاخذها؟

لماذا تصر على الا انساك ابدا"؟

اتعلم ماذا وجدت ايضا"؟

العقد اللؤلؤي الذي اهديته لي في عيد مولدي

العقد الذي لم يكن يفارق عنقي

و عندما فارقتني انت خلعته بيدك عن رقبتي

كانك تفك قيودك عني و تعطني حريتي

الم تعلم وقتها ان قلبي مازال تحت اسرك؟

حبيبي كنت اعلم انك تسكنني منذ الازل و انك كل شيء في حياتي

لم اعلم وقتها انك كنت الحب و الكره

الامان و الخوف

كيف جمعت بين النقيضين في هيئة واحدة؟

كيف احببتك يوما"؟

حبيبي اراك تتجهم . تتساءل كيف احاصرك بالاسئلة هكذا؟

و لكن لتعلم انني لن اتوقف عن سؤالك .هل احببتني يوما"؟

اتعلم ان طيفك يفسد علي استمتاعي بالحياة . يهاجمني في كل وقت .يطالبني بالتفكير فيك

يقتحم خلوتي بفراشي ليلا" و يجعل النوم يفارق اهدابيي و يرحل

حبيبي اين ذهبت احلامنا التي لم نحققها ؟

ما الذي كتم انفاس الحب في قلوبنا؟

حبيبي ان كنا سنفترق ذات يوم فلماذا القينا؟

تتجهم ثانية . تتساءل كيف احاصرك بالاسئلة هكذا و انا اعلم انك لن ترد؟

انا اعلم حقا" انك لن ترد و لكن هل تعلم انت لماذا؟

لانك غير حقيقي يا حبيبي . وهم اصطنعته و صدقته

وهم جعلته يتحكم بحياتي . بمصيري

وهم افسد حياتي كلها و جعلني اتلو الاكاذيب دائما"

العقد اللؤلؤي الذي ادعيت انه هديتك اهديته لنفسي

و الخطابات التي لم ارسلها قط

و الصورة التي ادعيت انها تجمعنا سويا .لماذا اختفيت منها

امر غريب حقا"

قصة حب صنعتها وحدي

وحدي من بداها ووحدي من انهاها

و الان ارجوك ارحل وسامحني و لكن قبل ان ترحل

ابحث معي عن اشياء قتلتها في . عن بسمة فارقتني و مشاعر دفنتها

عن حزن لا استطيع ان اداريه و لكن فات الاوان

ارحل بزكرياتك و خطاباتك و هداياك و صورك

ولا تعد ابدا"

حبيبي ساقولها مرة واحدة . وداعا" ايها الوهم

عن ارملة "طارق امام " و خطابتها السرية

2009-03-01T01:36:00.000-08:00

"الارملة تكتب الخطابات سرا" هو عنوان رواية الروائي المتميز طارق امام الجديدة و التي صدرت عن دار العين

طارق امام الذي فاجانا العام الماضي برائعته "هدؤ القتلة "الحائزة على جائزة ساويرس في الرواية .يفاجئنا هذا العام بعمل لا يقل ابداعا و روعة عن العمل السابق

تبدا احداث الرواية بخطاب يلقى داخل غرفة نوم الارملة المسنة "ملك" و استلقى بالقرب من جسدها النائم
كان خطابا ملتهبا كتبته يد شابة ووجهته بالنوايا الحسنة فقط لغرفة امراة شاخت
هاجمها هذا الخطاب في نوبة احتضارها السنوية ليقلب حياتها راسا على عقب و يجعلها تبدا رحلة بين الحقيقة و الخيال في عوالم طارق امام للبحث عن ذاتها الحقيقية

"ملك " بطلة الرواية الارملة المسنة التي تعيش وحيدة في مدينة صغيرة و يقع مسكنها بالقرب من المقابر مما يجعلها تعيش حالة خاصة من ترقب و انتظار الموت فهي تبحث عن مقبرة و تفكر كثيرا في مشهد موتها الذي بدا دائما قريبا منها و بدا لها مشهد موتها طريفا

.نعشها يتحرك على اكتاف اربعة مراهقات و من خلفه قطعان التلميذات في الرداء المدرسي الموحد يحكين حكايتها التي لا يعرفها احد ويتضاحكن .لا احد يعرفها سوى هؤلاء العاشقات البائسات

-تعمل "ملك"مدرسة للغة العربية

و اتخذت من مهنتها المعلنة شكلا اخر و هو كتابة خطابات غرامية لمراهقات المدينة في الخفاء ليرسلنها الى عشاقهن

بدات "ملك"مهنتها الاخرى -كتابة الخطابات الغرامية-عندما وجدت بالصدفة خطابا نائما في كراسة فتاة . قراته مندهشة و ازعجها ركاكته و عباراته و لكي تتسلى بدات تكتبه بالطريقة التي وجدتها مثالية ووضعته ثانية في كراسة الفتاة

و لم ينقض وقت طويل حتى كانت العدوى السرية تنتقل لكراسات اخرى و التواطؤ الخفي يتخذ شكل اتفاق معلن

-تزوجت "ملك"من رجل لم تحبه ابدا و لم تكرها ايضا و هو من وجهة نظرها الاسوأ لذا قررت ان تكون اول نصيحة تهديها لفتاة

هي "اذا فشلت في الزواج من رجل تحبيه تزوجي من رجل تكرهيه لكن اياك و الزواج من رجل لا تحملين له اي مشاعر .لان يوما ما سياتي عليكي لتكتشفي انك لا تملكين في حياتك ما يصلح للتذكر"

-تعيش "ملك" وسط عالم من الخطابات الغرامية و عدد محود من الشخصيات

-"رجاء"العاملة في مدرسة البنات التي تنظم مواعيد الدروس و تتكفل بمهمة تحصيل النقود من الفتيات اول كل شهر

تتحرك "رجاء" في البيت بحيوية و دون خجل و لم يزعج هذا "ملك" بقدر ما ازعجها فضولها للتعرف عليها بشكل افضل

و تنتهي علاقة "رجاء" ب"ملك" بحادثة اخرى

-الراهبة العجوز التي تدير المستوصف الموجود في الشارع الذي تسكنه "ملك"و تعتبر الراهبة -بشكل ما-صديقة "ملك " الوحيدة

و رغم ذلك كانتا تتفاديان الحديث في امور شخصية

-خفير المقابر الذي وكلته "ملك"في مهمة العثور على مقبرة لها في المقابر التي تقع بالقرب من بيتها

و هو لص صغير يقتسم الرشاوي مع موظفي المجلس المحلي يشبه قاطع طريق متقاعد .و قد كان له فضل كبير في وضع حد لمعاناة"ملك" في النهاية

-شبح زوجها الصائغ الذي يتحرك في شقتها كثيرا يفتش في كل شيء . شاحب كالعتمة و لكن الذهب الذي يملأ جسده يلمع في الظلام

زوجها الذي اشتراها بالذهب و اخذها الى المدينة الكبيرة و عاشت معه عشرون عاما دون انجاب و بعد وفاته عادت الى مدينتها الصغيرة لتموت فيها على حد قولها

- يوجد حبيب قديم في حياة "ملك" هذا الحبيب قبل زواجها مباشرة اعاد لها خطاباتها و ردت اليه كل خطاباته

و بعد الزواج اخفت "ملك" خطاباتها في قاع دولاب زواجها المعتم و قررت انها ان تعود لقراءتها الا بعد ان يموت الصائغ

- يوجد ايضا طالباتها اللائي ام تعدن سوى اسماء لديها و هي لم تفرق بينهن ابدا بشكل حقيقي فكل واحدة بالنسبة لها عبارة عن حكاية تحكى .كن بالنسبة لها مجرد مبرر للوجود فحسب . قطيع عيون مندهشة و قلوب ترتجف

- تعيش "ملك" وسط خطاباتها القديمة التي تتمنى ان تعيد صياغتها و لكنها تفشل في كل مرة لانها لم تعد كما كانت ابدا

تحمل الاحداث مفاجاة كبيرة للارملة المسنة "ملك" لتضع بذلك حد لرحلة بحثها عن ذاتها الحقيقية

###########

على فكرة دي اول مقالة اكتبها عن رواية يعني دي محاولة مش اكتر

"الحالة ميم"عندما يصبح للكلام شكل و ملمس و رائحة

2009-02-18T11:05:00.000-08:00

يطل علينا الكاتب المتميز "محمد هشام عبيه"هذا العام بكتابه "الحالة ميم " الذي يعد علامة من علامات الادب الساخر

من جديد يؤكد لنا ان الكتابة الساخرة صعبة حينما يستخدمها الكاتب كسلاح يحارب به عيوب المجتمع و حينما يتعامل مع سخريته بجدية و هذا ما جعل كتابه مميز جدا

الكتاب مقسم من الى 5 اجزاء وهي تقسيمة مختلفة عن تقسيمة كتابيه السابقين "الانسان اصله جوافة " و "عزيزي 999"

الجزء الاول "في البني آدمين"

يتغلغل الكاتب الي اعماق الناس بنفس باسلوبه الساخر السلس ليظهر لنا نموذج مثل "مصطفى عز الدين " الشاب الصعيدي المتمسك بقضيته

و "الحاج عربي " المتسامح دينيا

و ينتقل الكاتب الى "جيران الهنا"الذي ابتلي بهم ليوضح لنا صفة من اهم صفات الانسان و هي الفضول

ثم يتناول مشاعره و هو وحيدا"في الضلمة

الجزء الثاني "في الزوايا و الامكنة"

يتجلى فيه براعة الكاتب في وصف الاماكن و هو لا يكتفي بالوصف فقط و انما يستعرض تاريخها و الاحداث التي مرت على المكان

ليصنع لنا كيانا" رائعا" له ملمس و شكل و رائحة

و يقدم الكاتب نموذجان لمجمع الاديان المصري

النموذج الاول في حي مصر القديمة حيث يتجاور مسجد عمرو بن العاص مع كنيسة مارجرجس و الكنيسة المعلقة و بالقرب منهم يوجد

معبد بن عزرا اليهودي

اما النموذج الثاني في منطقة الكوربة في حي مصر الجديدة حيث يوجد المعبد اليهودي فيتالي ماجار و كنيسة البازيليك الضخمة

التي يقع خلفها مسجد حفيظة الالفي

الجزء الثالث "في الاشياء"

يتناول فيه الكاتب الاشياء التي تؤثر في حياة المصريين مثل المحمول الذي اصبح يمثل مصدر دخل و فرص عمل للكثير من المصريين

و الذي كان سببا" ايضا" في تغيير سلوكيات عدد من المصريين الى الافضل و احيانا" الاسوأ

و يعرض الكاتب تاريخ المحمول في السينما و الافلام التي كان المحمول البطل و عماد الاحداث

ثم يعرض الكاتب الخمسة اشياء التي يحبها المصريون و منها الجنس و السخرية

و الخمسة اشياء التي يكرهها المصريون مثل الحكومة و الزحمة

الجزء الرابع "على شوية خيال"

يستعين الكاتب فيه ببعض من كلمات وخطب و احداث حقيقية و يوظفها في نسيج خيالي و سيناريو آخر للاحداث

ففي مقال "الحوار الاخير بين نجيب محفوظ و ابطاله"

يجتمع نجيب محفوظ بابطال رواياته في حوار يبحثوا فيه سبب ضياع الامة و سبل انقاذها

وهذا الحوار اقتبسه الكاتب من مجموعة الاعمال الروائية للكاتب العالمي الرائع

اما في مقال "فيما لو كان عبد الناصر حيا"

يضع الكاتب اجوبة للسؤال الابدي ماذا لو؟

ماذا لو عاش عبد الناصر؟

و يتخيل الكاتب بعض الاحداث التي مرت على مصر و كيف كان يمكن ان يغيرها عبد الناصر

و استعان الكاتب باجزاء من خطب الرئيس الراحل في مناسبات مختلفة وردت على لسانه و غير فقط في بعض اسماء للدول

الجزء الخامس و الاخير "في النيل و الاهرامات"

يعود الكاتب لاسلوبه الساخر في تناول القضايا المهمة و الفساد-سواء كان فساد النفس او فساد النظام-فيتكلم عن استفزاز الاعلانات مرة اخرى و في مقال آخر عن الحمير التي اصبحت على مائدة المصريين

ثم يتناول حالة السلبية -الحالة ميم-التي اصابت عدد كبير من المصريين

اما اكثر مقال جذبني في هذا الجزء هو مقال بعنوان"جمعية كارهي اناث الماعز"

جاء هذا المقال ليؤكد لي مقولة احد الزملاء بان الدين الاسلامي سوف يدمره اتباعه لا اعداؤه

اما قصة المقال فهي ان بعض رجالالقاعدة في العراققاموا بقتل اناث الماعز لان اعضائها التناسلية غير مغطاة

ورغم طرافة الخبر الا انه يجعلك تتساءل في فزع"هو فيه كدة؟"

يختم الكاتب كتابه بدعاء المواطنين الغلابة على كل مسؤل كبير .و يجعلنا نقول معه من كل قلوبنا و في سرنا آمين

كاتمة الاسرار

2009-02-07T02:35:00.000-08:00

على الباب الحديدي الصديء للمنزل رقم 15 الكائن بمنطقة الازاريطة رسمة لقلب واحد مقسم من منتصفه الى نصفين .داخل كل نصف اسم

هدى و سمية

لديهما نفس الاعمار تقريبا".جمع بينهما المنزل رقم 15

نفس المنزل الذي شهد ميلادهما وطفولتهما و بداية حياتهما

ترتاد الصديقتان نفس المدرسة و بالقرب من المدرسة يوجد تمثال كاتمة الاسرار الشهير

و في الطريق الى المنزل اعتادتا الصديقتان ان تبوحا باسرارهما اليها كاتمة الاسرار

و عندما عبرا الطفولة الى المراهقة

و خطت كل منهما خطوات حثيثة في عالم المراهقة و اصبحت تذهب الى كاتمة الاسرار بمفردها تبوح اليها بسرها الخاص الذي تخفيه عن صديقتها

و عندما صارا مراهقتان اختلفت شخصياتهما

فهدى عملية جدا" تحب ان تظهر بمظهر الذكور . فقصت شعرها و استبدلت فساتينها بالبنطال الواسع و العديد من القمصان

و على العكس كانت سمية

اهتمت اكثر بانوثتها و اصبحت اكثر جمالا" و رقة و اعتنت بمظهرها البعيد عن مظهر الذكور

..كثيرا ما افترقتا الصديقتان حول وجهات النظر و لكن ما ان يختلفا حتى تسارع احداهما بفض النقاش

و في الفصل كانتا تجلسان تستمعان الى الكلام الممل عن الكيمياء و المركبات و الكلام الذي لا ينتهي عن قوانين نيوتن

تنتظرا بفارغ صبر غياب اي مدرس لكي تسارعا مع زميلاتهن بعمل حلقات للنقاش و الاسئلة التي لا حصر لها

عن الحب

عن الزواج

عن كل ما هو محرم عليهن

عن كل ما وضع الاهل عليه خطوط حمراء

كانت الفتاتان تتطلعا باعين تملاها الفضول و خدود تصطبغ بحمرة الخجل لحديث الزميلات

و بعد انتهاء النقاش بعلامات استفهام كبيرة تنزوي الصديقتان في ركن يتحاورا و سرعان ما يقطع كلامهما "مريم"

-هالعبكوا لعبة حلوة

توافق الصديقتان على الفور

سرعان ما يعلو صوت باقي الزميلات في الغناء

..ارتفع صوت مريم اكثر وسط الصخب

-اسم حبيبك ايه؟

مريم تملك الكثير من الالعاب على غرار هتتجوزي امتى؟.حبيبك بيحبك و لا لأ؟ . واشياء من هذا القبيل

كتبت كل فتاة الاسم في ورقة

-تعرفيه منين؟

-عينيه لونها ايه؟

و بعد ان انتهت مريم من اسئلتها كشفت الصديقتان عن ورقتهما

و انكشف السر الذي كانت تخفيه كل واحدة عن الاخرى و تبوح به لكاتمة الاسرار فقط

فهما و قعتا في حب نفس الشخص

.ازداد الصخب في الفصل و ازدادت حدة النقاش و التوتر بينهما و لم تشعرا بانصراف "مريم"

الى ان حل الصمت المتمثل في مدرس ساخط يدخل الفصل لتبدأ حصة جديدة و كلام غير مفهوم عن قوانين الحركة و الموائع

ساد الصمت و لكن لغة العيون المتبادلة لم تصمت

نظرات العتاب بينهما جرحت الصمت
اشاحت كل واحدة بوجهها عن الاخرى و فرض الصمت سلطانه عليهما من جديد

وفى الطريق الى المنزل افترقت يداهما المتشابكتان لاول مرة

وعلى الباب الحديدى الصدئ للمنزل رقم 15 غطى الطلاء الجديد على الطلاء القديم وعلى رسمه القلب المقسم من منتصفه الى نصفان

وبداخل كل نصف اسم....

قصة قصيرة جدا"

2009-02-01T12:04:00.000-08:00

عيون

عيون عيون .ترسم دائما" عيون . على كتبها . اوراقها و كل حاجياتها. كثيرا ما يثير ذلك احد الفضو ليين فيقول لها "من يرسم العيون يشعر دائما" بأن احد ما يراقبه". و يقول آخر "ان من يرسم العيون هو شخص مغرور .هل انتي مغرورة؟"

اما هي فلم تعي شيئا" من كل هذا . هي فقط تحاول أن ترسم عيناه

هو من تركها و رحل.

حنان

2008-12-01T00:55:00.000-08:00

ليله مطيرة باردة من ليالى الشتاء
تمر على هذا الجسد الهش المستكين... تخترقه البرودة كأنها اسياخ باردة تخترق جسمه وتسرى فى اوصاله
الرعشه تمنعه من التجمد...
يحاول ان يلملم شتات جسده ويضم ملابسه التى تشبه الخرق الباليه حول جسدة المنهك
يحاول ان يزكر متى كانت اخر مرة شعر فيها بالدفء؟؟؟
يحاول ويحاول ، ولكنه لايستطيع
الشعور بالنعاس يغلب عليه على الرغم من البرودة
استسلم للنعاس اخيرا وهو يتمنى ان تغلبه البرودة هذه الليله فلا يصحو من نومه ابدا"
فتى في السادسه من عمره هو. يمتلك جسدا"هزيلا" يشف صدره عن عظام بارزة اما ارجله فهى تشبه المسمارين الرفيعين ....
تلمع خصله ذهبيه بين شعيرات راسه المتسخ وتطل اعينه الخضراء من وجهه المتوحل
منذ ان فتح اعينه على الحياه لم يجد له اهلا" واما" وابا"... لم ينطق بهذه الكلمه طوال حياته .... لم ينطق بهذه الكلمه طوال سنوات عمره القليله
منذ طفولته ينتقل بين يدى البائسات امثاله من بنات الشوارع يأخذنه لكى يستعطفن به الماره لتزيد حصيلتهن قروش قليله
قيل ان والدته واحده من بنات الشوارع تركته لانها لم تستطع تربيته ...
القته مثلما تلقى بالمهملات التى لاتحتاجها
الشئ الوحيد الذى كان يتوق اليه طوال حياته هو الحنان ....لم يكن الجوع ، فهو قد اعتاد الشعور بالجوع
لقمه بسيطه تسد رمقه
اما تعطشه للحنان فلم يشبعه اى شئ
.......
استيقظ الطفل من البرودة فى الثامنه صباحا" ، ثم انتقل الى بقعه من الرصيف بعينها حتى يغمره ضوء الشمس
جلس يرمق الماره مثلما يفعل كل يوم
لم تفلح محاولاته لاستعطافهم ابداااا"
كانوا على عجله من امرهم ، لم يلتفتوا حتى اليه وكأنه فراغ لاينظرن اليه ابدا"
اثناء تقلب نظراته بين المارة لمحها قادمه من بعيد تشبه والدته فى احلامه ...والدته التى لم يرها ابدا"
ترتدى معطف من الصوف تتدثر به من شدة البرد بينما يلتف حجابها فى اهمال حول وجهها ، ترتسم على وجهها نظرة بائسه
تسير مسرعه الخطى لتأخرها عن عملها ، واضعه صورة مديرها فى العمل امام عينيها ملوحا" لها بسيل من التهديدوالوعيد
وحيدة هى منذ عدة سنوات عندما رحل عن الدنيا اخر من اغمرتها بالحب والحنان .....والدتها
اما والدها توفى وهى طفله صغيرة .... لاتذكره ابدا"
ترى فى نفسها مثال للبؤس والشقاء على الرغم من انها فى الثلاثين من عمرها الا انها تبدو وكأنها عجوز....
تمنت اشياء كثيرة لم تتحقق
تمنت ان تعيش والدتها معها ابدا.......
تمنت رجلا" يحبها ويغمرها بالحنان ولم تتحقق....
تمنت الامومه وهى حتى لم تتزوج
تحتاج للحنان اكثر من اى شئ... تحتاج الى الحنان ولو كان للحظه
اثناء شرودها تعثرت قدماها فى شئ على الرصيف ، فوجئت به طفل صغير
لمحت خصله ذهبيه بين شعيراته تنسدل على وجهه تختبئ تحتها عينان خضروان متعطشان للحنان
شعور داخلى يدفعها الى العطف على هذا الطفل المسكين
تلاقت اعينهما البائسه فى نظرة طويله ... قالت الاعين للاعين كل شئ
وجدت يداها طريقا الى ايدى الطفل الصغير... لتربت عليها فى حنان
ابتاعت له بعض الحلوى ... ثم اخرجت من حقيبتها المتهالكه ورقه نقديه دستها بين يديه
مررت بيديها فوق خصله شعرة الذهبيه وملآت عينيها بحلاوة عينيه الخضراء
ثم افترقت اليدان المتشابكه مع وعد صامت باللقاء تانيه
***************
فى نفس المكان ولكن فى زمان اخر ... فى الساعه السابعه صباحا" يحدث نفير سيارة فارهه... جلبة توقظ النيام
تتوقف السيارة فجاة ...... بجانب الرصيف .....ينزل منها شاب وسيم يرتدى معطف غالى الثمن
رائحته عطره تملأ رئة الشارع ....
من بين شعيرات رأسه البنيه تملح خصله ذهبيه تتدلى فى اصرار على عينان خضروان
يقف الشاب بجوار سيارته منتظرا" دقات الساعه الثامنه فى لهفه.....
يتوجه الى بقعه معينه من الرصيف يغمرها ضوء الشمس الذى يعطيه شعورا"بالدفء فشل معطفه الغالى فى ان يمده به
عند دقة الساعه الثامنه ...رأها قادمه من بعيد من حلت محل والدته فى احلامه....
ترتدى معطف بالى من الصوف تتدثر به من البرد
بينما يلتف حجابها فى اهمال حول وجهها البائس الذى نجح الزمن فى رسم خطوطه وتضاريسه فيه
حتى يهيأ لك ان وجهها اصبح كالكره المنكمشه المليئه بالتجاعيد
تسير بخطى متثاقله على ارجل لم تعد تتحمل العمل
مازالت تبحث بأعينها فى اصرار عن طفل فى السادسه من عمره ....لاتعلم ان الزمن تغير
تلاقت اعينهما فى نظرة طويـــــــله
قالت الاعين للاعين كل شئ...
مدت يدها تمررها فوق خصله شعره الذهبيه وملآت عيناها بحلاوة عينيه الخضراء
وجدت يداها طريقا" الى يديه لتتكيء عليه
اخذ بيديها وادخلها السيارة وانطلق بها ...يحدث جليه توقظ النيام
ولم تفترق اليدان المتشابكتان أبــــــدا".