باعين تفور ببهجة الاندهاش . طفلة العشر سنوات بضفائر لا تلائم قصة شعرها القصير . برداء ذكوري عابث. بجوار والدتها وقفت تفحص ارفف اللعب و العرائس . تبحث عن عروسة تتمناها . شعر ذهبي طويل . عينان واسعتان و ملابس جديرة بانثى ناضجة . سقطت عيناها على بروز منتفخ نبت في بطن امراة بجوارها . شدت الطفلة يد والدتها و سالتها : ماما هما العيال بييجوا منين؟ . على الخد الوردي الصغير هوت الصفعة . بنت عيب اللي بتقوليه و لو سمعتك بتسالي السؤال دة تاني انا هحرقك بالمعلقة على ايديك .
تكبر الطفلة و تملك من العمر اضعاف العشر سنوات . تملك يدا تلونت بدوائر بنية محترقة . في القلب نبتت ندبة بصفعة يد هوت يوما على خدها .
تكبر الطفلة و تملك من العمر اضعاف العشر سنوات . تملك يدا تلونت بدوائر بنية محترقة . في القلب نبتت ندبة بصفعة يد هوت يوما على خدها .
هناك 7 تعليقات:
تبقى الصفعه فى القلب
ويبقى السؤال فى العقل
ويبقى الجهل فى ربوع الوطن
تحيه لاسعه
لما البنت تسأل مامتها تانى
تروح مامتها تقولها
انا وبابا حبينا بعض اووووى
فلزقنا فى بعض اوووووووووووى
وبعد شويه صغيرين
الدكتور جه وفتح بطنى وجيتى انتى
عرفتى العيال بييجوا ازاى ؟
تحياااااااتى
فى بلدنا مبنعرفش نصاحب او نكلم اطفالنا كويس
لانهم اخدوا على انهم اب وام بس
من غير ما يتصاحبوا
من غير ما يتكلموا حتى فى اصغر الامور
الخاصه باولادهم
ومفيش قدامهم غير كلمة عيب
او الضرب او الحرق لكن التفاهم ميعرفوش عنه حاجه اطلاقا
وده طبعا اتعلموه من اللى قبلهم
ربنا يغير حال البلد دى واهلها
أنا قلت لك قبل كده القصة دي حاسس إنها ناقصة .. لكن يظهر إني مكنتش مركز.
أنا مش متأكد إن المشكلة دي شائعة ولا لأ
بس عارف إنها موجودة.
وأعتقد إن مفيش أم أو أب إلا وابنه سأله السؤال ده
بالرغم من أن وظيفة التكاثر هي أحد الوظائف السبعة الأساسية للكائنات الحية
إلا إنها في حالة الإنسان بتشكل موضوع حساس بسبب تقاليد المجتمعات المختلفة و القيود المفروضة علي العملية دي
والجهل دايماً بيزود البلة طين.أي كلام في الموضوع ده يبقي عيب ومخجل
و الصفعة اللي ضربتها الأم الحمقاء في قصتك يا هبة كفيلة بإنها تدمر حياة بنتها . بالإضافة إلي إن الطفل بطبعه بيحوش لحد ماتتاح له الفرصة إنه يصفي حسابه .. بكره الغباوة اللي بوجه صلب
لاسع
فعلا الصفعة في القلب و هتستمر
الف تحية
روني
نورت
:)
كلامك صح فعلا كانه عيب انه ام او اب يتصاحبوا على ابنائهم
تحياتي
كريم
طب كويس انك غيرت رايك
:)
انا كمان بكره الغباوة
سلامات
إرسال تعليق