ليه لما بكون محتاجة اتكلم مع حد بجد مبلاقيش و اما بكون مش طايقة الناس كلها ألقى كل الناس بتكلمني؟
ليه الشتا بيخلص بسرعة قبل ما اخلص كل مشاريعي فيه و الصيف بيطول و معاه بتتأجل كل أحلامي للشتا الجاي؟
ليه انا بتعلق دايما بحاجات و بناس عارفة اني هفارقهم و مبتعلقش ابدا بناس قريبين مني و عارفة اني مش هضطر افارقهم في يوم؟
ليه اصحابي بيوحشوني قوي مع ان قليل لما حد يكلمني و يقولي اني وحشته؟
ليه في عز ما انا فرحانة بنقبض بسرعة و تضيع مني الفرحة في ثواني مع ان الحزن عمره ما ضاع في ثواني؟
ليه كل اللي يعرفني مشافش مني غير الضحكة و الابتسامة اللي مبتفارقنيش ؟
ليه الحزن جوايا متداري مبيوجعش غيري ؟
ليه بحب ناس مبتحبنيش و محبش ناس بتحبني؟
ليه الشتا بيخلص بسرعة قبل ما اخلص كل مشاريعي فيه و الصيف بيطول و معاه بتتأجل كل أحلامي للشتا الجاي؟
ليه انا بتعلق دايما بحاجات و بناس عارفة اني هفارقهم و مبتعلقش ابدا بناس قريبين مني و عارفة اني مش هضطر افارقهم في يوم؟
ليه اصحابي بيوحشوني قوي مع ان قليل لما حد يكلمني و يقولي اني وحشته؟
ليه في عز ما انا فرحانة بنقبض بسرعة و تضيع مني الفرحة في ثواني مع ان الحزن عمره ما ضاع في ثواني؟
ليه كل اللي يعرفني مشافش مني غير الضحكة و الابتسامة اللي مبتفارقنيش ؟
ليه الحزن جوايا متداري مبيوجعش غيري ؟
ليه بحب ناس مبتحبنيش و محبش ناس بتحبني؟
ليه أنا لحد دلوقتي مش قادرة افهم الناس صح ؟
ليه كل حاجة بستناها تيجي في وقت مش مناسب؟
ليه انا حققت جزء من احلامي و اقتنعت اني اقدر احقق الجزء الباقي لما كان ممكن محققش حاجة خالص و اكون واثقة اني مش هقدر؟
ليه النور بيقطع لما بكون قاعدة لوحدي ؟
ليه بنلزق كل حاجة للنصيب ؟
ليه أنا مبقاش حد تاني و خلاص ؟
هناك 8 تعليقات:
ليه بتوجعى قلبى ياهبة؟؟؟
انا حاسه كل اللى قلتيه كانك دخلتى قلبى واستلفتيه شوية وكتبتى بيه
بس انتى بتوحشينى ياهوبة
وبحبك انا
وحبيكا حبى
وعارف ان كل واحد قلبه مقفول على اللى وجعه وبيدارى ورى الضحك
سيبك انتى تعالى ننزل البن البرازيلى وحعزمك اول مااقبض ونضحك برضه ياهبة
مهو احنا بنخاف اوى لحظات ضعفنا الجامده تبان قدام غيرنا مهما كان قريب لينا
معلش يا نعنع هي غتاتة و خلاص
لسة فيه جزء تاني
هههههههههه
حبيكوا حبي
:*
خلاص فل اول ما تقبضي تعزميني
انا مصدقت اصلا
اللي بتتكلمي عنه يا هبة في أول سؤالين يتلخص في كلمة واحدة :النسبية . الوقت الرذل طويل لأنك بتشعري بدقائقه وساعاته وبتتعلقي بالوقت وتنشغلي بيه وتتمني يعدي والعكس مع الوقت الممتع .
في ثالث ورابع سؤال أثرت مسألة قديمة ومعروفة
واللي اتكلم عنها إثيل ممفورد بجملته:
،أعطانا الله الأقارب"
"حمداً لله أننا نستطيع اختيار أصدقائنا
في الغالب يا هبة إحنا مش بنختار أصدقائنا عشان حبهم لينا بل عشان حبنا ليهم . ببساطة الصداقة لا تطلب و لا تشتري.واللي يبفارقنا من أصدقائنا....بيكون ده اختياره.
سؤالك الخامس شبيه بالأول والثاني
السؤال السادس والسابع:عشان إنت بتحبي كده.
السؤال الثامن:لا يا ستي ..مية في المية لازم يكون في ناس بتحبيهم ويحبوكي ولكن لإنك بتلمسي الشجن في عدم وجود تبادل للحب ,فحسيتي بالأمر ده أكتر من عكسه الحادث برضه.
السؤال التاسع:إنت من الناس,افهمي نفسك ... وحتفهيمهم.
السؤال العاشر:كل شيء بقضاء.
السؤال ال11:الإيحاء السلبي طريق الفشل,
التخلص منه بيرفع من احتمالية النجاح
السؤال ال12:shit happens (لا مؤاخذة)
لازم يكون فيه أمور سيئة وبالصدفة تتكرر .
السؤال ال13:إجابته قريباً تلاقيها عندي
السؤال ال14:اقري النص ده من فيلم ماري وماكس
"قال طبيبي النفسي أن عليّ تقبّل نفسي
بنواقصي..وأننا لا نختار نواقصنا..إنها جزءاً منّا وعلينا التعايش معها"
سمعت د.مصطفي محمود في مرة قال بما معناه إن الإنسان الفرد في اختلاف سلوكه عن غيره أشبه بنوع متفرد عن بقية أقرانه
ومن المعروف بأن كل نوع ليه دوره في النظام البيئي وإنت كإنسانة ليك دور في مجتمعنا.حتسيبي دورك مثلاً في مجتمعنا وتنقرضي يعني؟ينفع كده برضه تمشي وتسيبينا؟
معلش الإجابة طولت شوية بس أتمني تكون حاملة لبعض العزاء ليكي
كريم
سيبك انت م البوست
انا انبسطت بجد انك عملت المدونة
ما هو يا مدونة يا فيس
ايون كدة
هدخل بقى العب جوااااااااا
:))))))))
و ربنا انبسطت انك سمعت كلامي
ابقى اسال بقى يا عم
علي فكرة في شكر خاص ليكي
لأن من غيرك ماكنتش عملت أي مدونة
البوست بتاعك مينفعش أسيبه لأن فيه أسئلة كلها بتيجي علي دماغ الواحد و الإجابة ممكن تصعب عليه
ويا ريت تشرفيني في المدونة وتقوليلي رأيك
كريم
و نرجع تاني للبوست دة
بص يا كريم
جميل كلامك و مفيهوش كلام يتقال تاني
بس انا يمكن بحب جو الاسئلة المفتوح دة
يمكن بيناسب حالتي المزاجية المتسائلة دايما في اغلب اوقاتي
ادعيلي بس يزول الاكتئاب د
ة قريب
و انا بلف اهو في مدونتك
:)
كل سنة وحضرتك طيبة وبألف خير وصحة وسلامة إن شاء الله
:)
رمضان كريم
كل عام وانتم بخير
ورمضان كريم
تحياتى
إرسال تعليق