الأربعاء، 2 يوليو 2014

بؤس-سعادة

الكون مكان بائس فعلا
مش قادرة اتخيل يا ترى ربنا و هو شايفنا من فوق دلوقتي كان بيخمن ان الدنيا هتبقى بالبؤس دة ؟
و لا كل دة مقصود ؟
ايه القصد في الابتسامة التعيسة اللي كان بيصدرهالي الولد اللي بيبع نعناع لحد ما ألاقي فكة علشان اشتري منه اللي باقي علشان يروح يبتسم لأهله نفس الابتسامة التعيسة و يصدروهاله .
ايه القصد في عروسة جميلة بتدور عالفستان التقيل على قلبها و جيبها و جسمها علشان ترضي الناس ،ازاي هتستحمل تقل الفستان طول الليل ؟.
ايه القصد في ان السعادة دايما متقدمالنا على طبق صفيح كل ما نغرف منها ايدنا تتجرح ،طب يارب احنا مفروض بعد ما تتجرح نغرف تاني ازاي ؟

ايه القصد في بؤس أهالي شهيد و معتقل مضطرين يصبروا نفسهم بملامح مش مدمعة علشان يعرفوا يعيشوا .
الدنيا بائسة لدرجة صعبة التحمل .
يارب دة لو امتحان قولنا باب اللجنة منين علشان نرتاح ،احنا ممكن نسيب الورقة و خلاص كدة راضيين .


ليست هناك تعليقات: